भांगरभूंय | प्रतिनिधी
मेकॅनिकल, इलेक्ट्रॉनीक पदविकामांत सुवातो उपलब्ध
पणजी : तंत्रनिकेतनांत (पॉलिटेक्नीक) पदविका अभ्यासक्रमाच्यो सुमार 193 सुवातो रित्यो आसात. ह्यो रितो सुवातो भरपा खातीर प्रवेशाची दुसरी फेरी 8 ते 10 जुलय ह्या काळांत जातली. फाल्यां मंगळार सावन प्रवेश फेरीक सुरवात जातली.
सरकारी तंत्रनिकेतन, आल्तिनो, सरकारी तंत्रनिकेतन मयें, कुडचडें, शिपबिल्डींग इन्स्टिट्यूट, बोगदा, आग्नेल आश्रमांत सीवील, मेकॅनिकल, इलेक्ट्रीकल, इलेक्ट्रॉनिक, फॅब्रीकेशन टेक्नोलॉजी अश्यो विवीध पदविका अभ्यासक्रम उपलब्ध आसात. इलेक्ट्रीकल, सीव्हील, इलेक्ट्रॉनीक ह्या विशयांतल्या अभ्यासक्रमांक बरीच मागणी आसा. ह्या अभ्यासक्रमा खातीरूय सुवात उपलब्ध आसा, अशी म्हायती तांत्रीक शिक्षण संचालनालयाचे उपसंचालक प्रदीप कुस्नूर हांणी दिली. 31 मे 2025 उपरांत जांणी अर्ज केल्यात, तांकां शुल्क भरपा वांगडा प्रमाणपत्रां तपासचीं पडटलीं.
सरकारी तंत्रनिकेतन (पॉलीटेक्नीक) आल्तिनो येथे इलेक्टॉनीक, फॅब्रीकेशन, इन्स्ट्रमेंटेशन, गार्मेट टेक्नोलॉजी ह्या अभ्यासक्रमा खातीर सुवातो आसात.
वेर्णाच्या आग्नेल पॉलिटेक्नीकांत सीवील आनी इलेक्ट्रॉनिक्स पदविका अभ्यासक्रमांत प्रवेशाची संदी आसा. शिपबिल्डींग इन्स्टीट्यूटांत मेकॅनिकल आनी इलेक्ट्रॉनिक्स पदविका अभ्यासक्रमांत सुवातो उपलब्ध आसात, अशी म्हायती सुत्रां कडल्यान मेळ्ळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
