भांगरभूंय | प्रतिनिधी
भांगरभूंय । प्रतिनिधी
काणकोणः देश मुक्तीचे 75वे अमृत महोत्सवी वर्सा निमतान स्पेस किड्स इंडिया वतीन फुडाऱांतल्या प्रकल्पां खातीर निती आयोगान देशांतल्या 75 शाळांक वेंचून काडल्यात. तातूंत सांगें सरकारी उच्च माध्यमीक विद्यालयाचो आसपाव आसा.
स्पेस किड्स इंडिया हें एक एरोस्पेस स्टार्टअप आसा. विद्यार्थ्यां मदीं अवकाश शास्त्रज्ञ जावपाची जाग्रुताय करपाचें काम ह्या उपक्रमा वरवीं करतात.
स्पेस किड्स इंडिया खातीर वेंचून काडिल्लें सांगें सरकारी उच्च माध्यमीक विद्यालय गोंयांतलें एकसुरे विद्यालय आसा. स्पेस किड्स इंडिया टीमच्या ऑनलायन कोचींग मजतीन विद्यार्थी शिक्षकाचें मजतीन सादे प्रयोग विकसीत करपाचें शिकपाक शकतात. ते प्रमाण विद्यार्थ्यांक कीट तयार करून ते स्पेस किड्स इंडियाक धाडपाचें आसतात. दिल्लींत ते इंटीग्रेट करून स्वांतत्र्य दिसा पंतप्रधान नरेंद्र मोही हाचे हस्तुकीं तांचे लोकर्पण जातलें. ह्या उपक्रमाचो एक हेत बेटी बचाओ, बेटी पाढाओ हो आसा.
सांगें उच्च माध्यमीक विद्यालयाची विद्यार्थिनी मनस्वी आझादी सेट प्रकल्पांत आपल्या शिक्षकांच्या सहकार्यान योगदान दितलें. ह्या राष्ट्रीय प्रकल्पा खातीर सांगें उच्च माध्यमीक विद्यालयाची निवड जाल्ले खातीर प्राचार्य सरोज देसाय, उपप्राचार्य नम्रता गांवकार, शिक्षिका स्लिका नायक, सुविधा नायक, उच्च माध्यमीक विद्यालयाचे शिक्षक आनी कर्मचाऱ्यांनी निती आयोग आनी प्रकल्प मुखेली डॉ श्रीमते केसस हाचें उपकार मानल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
