भांगरभूंय | प्रतिनिधी
शिक्षण संचालकान हायस्कूल वेवस्थापना कडेन मागलो अहवाल
पणजी : सांत इस्तेंवच्या सेंट तेरेझा हायस्कुलाच्या विद्यार्थ्यांक केल्ल्या मारपेट प्रकरणांत क्लॅन्सी डिसील्वा (बिठ्ठोण – पर्वरी) हे शिक्षिकेक पोरणें गोंय पुलिसांनी चवकशे खातीर अटक केली. उपरांत तिची जामिनाचेर सुटका जाली. मजगतीं, शिक्षण संचालकांनी मारपेट प्रकरणांत हायस्कुलाच्या वेवस्थापना कडेन अहवाल मागला.
हे शिक्षिकेन भुरग्यांक वायट उतरां दिलीं आनी बडयेन बडयले, अशी कागाळ पोरणें गोंय पुलीस स्टेशनांत नोंद जाल्या. भुरग्याच्या हातार बडेयेचे वळ दिशिल्ल्यान मारपेट जाल्ल्याचें पालकांच्या लक्षांत आयलें. माशेल-फोंडेंच्या पिडेस्त भुरग्याचे आवयन कागाळ केले उपरांत हो प्रकार उक्तो जालो.
मजगतीं, पुलिशेंत जाल्ली कागाळ आनी बातमी आयले उपरांत शिक्षण संचालकान हायस्कुलाच्या वेवस्थापना कडेन अहवाल मागला. वेवस्थापनान चवकशी करून अहवाल सादर करतलें. सुरवातेक शिक्षिकेचेर वेवस्थापनान कारवाय करपाक जाय. उपरांत तिका शिक्षण संचालनालया कडल्यान मान्यताय घेवची पडटा. खाजगी अनुदानीत शिक्षण संस्था आशिल्ल्यान वेवस्थापनाच्या शिफारशी बगर शिक्षण संचालनालय सरळ कारवाय करपाक शकना. मात निलंबन वा बडतर्फी शिक्षण संचालकांच्या मान्यताये बगर जावपाक शकना, अशी म्हायती शिक्षण संचालक शैलेश झिंगडे हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
