भांगरभूंय | प्रतिनिधी
पेडणें: तुये हॉस्पिटल वाठारांत जी सॅटॅलायट ओपीडी कार्यरत आशिल्ली. ती फाटल्या दोन म्हयन्यां पसून बंद केली. ती कित्याक बंद केली? ही ओपीडी परत कार्यरत करची अशी मागणी तुयेंचे आदले सरपंच निलेश कादोळकार हांणी केली.
भलायकी मंत्री विश्वजीत राणे हांणी तुयें हॉस्पिटल वाठारांत लक्ष दिवन फाटल्या दोन म्हयन्यां पयलीं सॅटॅलायट ओपीडी बंद केली. ती परत कार्यरत करची. हे सॅटॅलायट ओपीडींत रोगांचे तज्ञ दोतोर उपलब्ध आशिल्ले. हाका लागून जायत्या दोतोरांची ह्या हॉस्पिटल वाठारांत वेवस्था जाताली. हाका लागून ती सेवा परत सुरू करची, अशी मागणी तुयेंचे आदले सरपंच निलेश कांदोळकार हांणी केली.
तुयें हॉस्पिटल कृती समितीन थळावे आमदार जीत आरोलकार हांकां निवेदन सादर करून येवपी अधिवेशनांत ह्या हॉस्पिटलाचो विशय विधानसभेंत मांडून हें हॉस्पिटल बेगोबेग सुरू करपा खातीर यत्न करचो अशी मागणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
