भांगरभूंय | प्रतिनिधी
पणजीः मुख्यमंत्री डॉ. प्रमोद सावंत जीएसटी परिशदेच्या बसके खातीर बिरेस्तारा रातचे दिल्लीक गेले. हे बसकेंत मुख्यमंत्री सावंत आनी हेर कांय राज्यांचे अर्थमंत्री वाटेकार जातले, कर वेवस्थे कडेन संबंदीत म्हत्वाचे निर्णय घेवपाची शक्यताय आसा.
मजगतीं, सभापती रमेश तवडकार दिल्लीक गेले. केंद्रीय पर्यावरणमंत्री भूपेंद्र यादव हांची सभापती आनी मुख्यमंत्र्यांनी भेट घेतली. मंत्रिमंडळ फेरबदलाचे फाटभूंयेचेर तवडकार हांचें नांव मंत्रिपदा खातीर लागींलागीं निश्चीत मानतात. हाका लागून तांच्या दिल्लींतल्या दौर्याक विशेश राजकी म्हत्व मेळ्ळां.
विस्वासू सुत्रांचे म्हायती प्रमाण, तवडकर बेगीनूच मंत्रीपदाची शपथ घेतली अशी शक्यताय आसा. हेच फाटभूंयेर ते भाजपाचे वरीश्ठ फुडारी आनी पक्षश्रेश्ठीं कडेन चर्चा करपाक दिल्लीक गेल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
