भांगरभूंय | प्रतिनिधी
मडगांव: कोंकण रेल्वे मार्गा वेल्या वेर्णां ते करमळी मजगतीं, रेल्वेन प्रवास करपी एके बायलेची बॅग झोमून रेल्वेंतल्यान उडी मारून पळ काडलो. ह्या प्रकरणांत कोंकण रेल्वे पुलिसांनी अनवळखी चोरा आड गुन्यांव नोंद करून तपास सुरू केला.
मेळिल्ले म्हायती प्रमाण रेल्वे प्रवासांत बॅगेची चोरी जाल्ल्याची कागाळ पिडीत बायलेन कोंकण रेल्वे पुलिशेंत केल्या.
रेल्वेंतल्यान प्रवास करीत आसतना वेर्णें ते करमळी ह्या वाठारांतल्या रेल्वे वता आसतना रेल्वेची गती उणी जाल्ली आसतना अनवळख्या चोरान बायलेची हॅण्डबॅग झोमून रेल्वे भायर उडी मारून पळ काडलो.
बायलेन दिल्ले कागाळी प्रमाण दोन मोबायल, एक टॅब, पांच हजार रुपया, मंगळसुत्र आनी कागदपत्रां असो 1.96 लाखांचो म्हालवज चोरयेक गेलो.
ह्या प्रकरणांत कोंकण रेल्वे पुलीस निरिक्षक राहुल नायक हांच्या मार्गदर्शना खाला फुडलो तपास सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
