भांगरभूंय | प्रतिनिधी
पर्वरीः गोंय सरकारान एक म्हत्वाचो प्रशासनीक निर्णय घेवन, सरकारी कर्मचारी निवृत्त जाले उपरांत ताका सामान्य भविश्य निर्वाह निधी (जीपीएफ) ची निमाणी रक्कम दिवपाक उशीर जाल्यार तें काम पळोवपी संबंदीत शासकीय कर्मचार्याक जापसालदार धरतले. अशा कर्मचार्यांची जापसालदारकी निश्चीत केल्या. उशीर करपी कर्मचार्यांचेर संबंदीत खात्याच्या सचिवान योग्य ती कारची अशें केंद्र सरकारान म्हणलां. केंद्राचो आदेश गोंय सरकारान स्विकारला.
सगलीं सरकारी खातीं, सरकारी अनुदानीत शिक्षण संस्थांक हो आदेश लागू आसा. निवृत्ती उपरांत सरकारी कर्मचार्यांक ’जीपीएफ’ दिवपाक कळाव जाल्ल्याचें लक्षांत आयिल्ल्यान केंद्रांक सगल्या राज्यांक वेळार ’जीपीएफ’ दिवपाचे आदेश दिल्यात. खुबश्या प्रकरणांनी जीपीएफ वेळार दिवंक नाशिल्ल्यान निमाणें ताचेर व्याज दिवपाची वेळ येता.
केंद्र सरकाराच्या निर्देशां प्रमाण, गोंय सरकारान एक परिपत्रक (ओएम) जारी करून ह्या आदेशाक स्विकारिल्ल्यान शिक्षण खात्यानूय आपल्या अनुदानीत संस्थांक तें लागू केलां. केंद्राच्या आदेशांत स्पश्टपणान नमूद केलां, ’जीपीएफ’ची निमाणें दर वेळार मेळ्ळें ना, ज्या कर्मचार्याच्या कक्षेंत हें प्रकरण आसल्यार तांचेर कारवाय करतले. ह्या निर्णयाचो उद्देश निवृत्ती लाभ वेळार निकालांत हाडप आनी प्रशासनीक कार्यक्षमताय वाडोवप हो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
