भांगरभूंय | प्रतिनिधी
मुंबय : महाराष्ट्राचे येरादारी मंत्री प्रताप सारनायक हांणी सरळ मैदानाचेर देंवून रॅपिडो सायकल टॅक्सीची बेकायदेशीर सेवा उक्ती केली. नेमा आड चलपी ही सेवा मंत्रालया भायरूच चलता अशें उक्तें जालें.
सरकाराच्या ई-बायक धोरणा प्रमाण फकत इलेक्ट्रीक दुचाकी वाहनांक टॅक्सी सेवा दिवपाक मेळटा. पूण ह्या नेमां कडेन आडनदर करून एका ड्रायव्हरान परवानो नासतना ही सेवा दिली. विशेश म्हणल्यार, परिवहन विभागान ह्यान पयलीं असल्यो कसल्योच बेकायदेशीर सेवा नाशिल्ल्याचो दावो केल्लो.
नेमकें कितें घडलें?
सरनायक हांणी स्वता ‘रॅपिडो’ ऍपा वयल्यान दुचाकी बूक केली. धा मिनटां भितर ही दुचाकी मंत्रालया लागसार पावली. हें पळोवन ताणें रोखडीच कारवाय केली आनी ही सेवा बेकायदेशीर आसा अशें स्पश्ट केलें. संबंदीत पायलटाक ५०० रुपया दिवन पायलटा आड न्हय तर हे बेकायदेशीर सेवेक उर्बा दिवप्यां आड खर कारवाय करची अशें तांणी सांगलें.
मंत्र्याचें वक्तव्य:
अश्या गरिबांचेर गुन्यांव दाखल करून कांय मेळचें ना. खरे गुन्यांवकार व्हडले लोक आसात. तांचेर कारवाय जावपाकूच जाय अशें, प्रताप सरनायक हांणी म्हणलें.
विभागाचे दावे फोल!
परिवहन विभागान ज्यो सेवा अस्तित्वांतूच नाशिल्ल्याचें म्हणिल्लें, त्यो प्रत्यक्षांत मंत्रालया लागींच सुरू आशिल्ल्याचें उक्तें जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
