भांगरभूंय | प्रतिनिधी
पुणे : स्पायसजेटच्या गोंय-पुणे एसजी-१०८० ह्या विमानांतत उड्डाणा मजगतीं गंभीर तांत्रीक आडखळी मुखार आयल्यो. विमान हवेंत आसतनाच एका जनेलाची फ्रेम अचकीत धील जाली, हाका लागून प्रवाशां मदीं भंयाचें वातावरण निर्माण जालें. उपरांत विमान पुण्याक देंवले. हातूंत कोणाक कांय जावंक ना.
हे घडणुकेचो व्हिडियो सोशल मिडियाचेर व्हायरल जालो. खुबश्या प्रवाशांनी हाचेर चिंताय उक्तायल्या.
मजगतीं, स्पायसजेटान दिल्ल्या स्पश्टीकरणा प्रमाण, प्रवाशांचे सुरक्षीततायेचेर कसलोच परिणाम जावंक ना आनी पुराय प्रवासा मजगतीं कॅबिनांतलो दाब स्थिर आशिल्लो. लँडिंग उपरांत सैल जाल्ल्या जनेलाचे फ्रेमची दुरुस्ती केल्या.
स्पाइसजेटची गोंय-पुणे एसजी-१०८० ही फ्लायट १ जुनाक सांजेवेळार ५.३० वरांचेर नियोजीत आशिल्ली, मात ती वट्ट देड वरां उसरां सांजेवेळार ६.५५ वरांचेर भायर सरली. कळावाक लागून प्रवाशां मदीं अस्वस्थताय पातळ्ळी. कांय प्रवाशांनी विमान कंपनीच्या कामाचेर प्रस्न उक्तायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
