भांगरभूंय | प्रतिनिधी
पणजी : नेसाय-कुडतरची फातिमा कुलासो (४६) हिका मंगळारा सकाळीं आंगणांत ब्रश करतना सोरोप चविल्लो. उपरांत तिका रोखडीच दक्षीण गोंय जिल्लो हॉस्पिटलांत व्हेली. थंयच्यान तिका फुडल्या उपचारा खातीर गोमॅकॉंत व्हेली. मात, उपचार सुरू आसतनाच तिका मरण आयलें. हे घडणुकेक लागून ह्या वाठारांत दुख्ख पातळ्ळां.
पोस्टमार्टम रिपोर्टा प्रमाण, हेमॉटॉक्सीक विखाचो सोरोप चाबिल्ल्यान, तशेंच मेंदवांत रक्तस्राव आनी जमनीचेर पडून मार लागिल्ल्यान तिका मरण आयलें.
ह्या प्रकरणांत दुबाव येवपा सारकें कांयच मुखार येवंक ना, अशें पुलिसांनी स्पश्ट केलें. मायणा- कुडटरी पुलीस उपनिरीक्षक सोनल गांवकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
