भांगरभूंय | प्रतिनिधी
नवी दिल्ली, खबरां संस्था: भारतांतल्या दरेका मनशाचेर सरासरी ४.८ लाख रुपया रीण आसा. मार्च २०२३ वर्सा तें ३.९ लाख रुपया आशिल्लें. फाटल्या दोन वर्सांनी तातूंत २३% वाड जाल्या. म्हणल्यार दरेका भारतीयाचें सरासरी रीण ९०,००० रुपयांनी वाडलां. रिझर्व्ह बँक ऑफ इंडियान तांच्या जून २०२५ च्या अर्थीक स्थिरताय अहवालांत ही म्हायती दिल्या.
तुमचे जिणेचेर हाचो कितें परिणाम जातलो हें ५ प्रस्न आनी जापेंत जाणून घेयात…
प्रस्न १: रीण वाडप म्हणल्यार कितें?
जाप: हाचो अर्थ लोक आदले परस चड रीण घेतात. हातूंत घराचें रीण, वयक्तीक रीण क्रेडीट कार्ड थकबाकी आनी हेर बारीक सारीक रिणांचो आसपाव आसा.
वयक्तीक रीण आनी क्रेडिट कार्ड देयके अश्या बिगर-गृहनिर्माण किरकोळ कर्जां मदीं सगल्यांत चड वाड जाल्या. वट्ट देशां खाला रिणाच्या ५४.९% रिणां आसात.
हो खर्च करपायोग्य उत्पन्नाच्या २५.७% आसा. घराच्या रिणाचो वाटो २९% आसा आनी हातुंतलीं चडशीं रिणां अशा लोकांचीं आसात, जांणी पयलींच रीण घेतलां आनी ते परतय रीण घेतात.
प्रस्न २: देशाच्या रिणाची पातळी जीडीपीचेग तुळेत चड आसा काय?
जाप: आरबीआयच्या मतान, भारताचेर वट्ट जीडीपीचे ४२% रीण आसा. देशा खाला रीण अजूनय हेर उदयोन्मुख अर्थवेवस्थां (ईएमई) परस उणें आसा, जंय तें ४६.६% आसा.
म्हणल्यार, भारतांतली रिणाची परिस्थिती सध्या नियंत्रणांत आसा. तशेंच, चडश्या रीणकारांचें रेटिंग बरें आसा, म्हणल्यार तांचे कडल्यान पयशे वगडावपाचो धोको उणो आसा.
प्रस्न ३: सुक्ष्मवित्त वाठारांतल्या रिणाची परिस्थिती कशी आसा?
जाप: सुक्ष्मवीत्त वाठारांतल्या (ल्हान रीण गट) रीणकारांचें सरासरी दायित्व ११.७% न उणें जालां, मात २०२५ च्या दुसर्या स म्हयन्यांनी ताणाचे मालमत्तेची संख्या वाडल्या. आरबीआयन म्हणलां, सुक्ष्मवित्त कंपन्यो चड व्याजदर आनी मार्जिन आकारतात. जाका लागून कर्जदारांक परतफेड करप कठीण जाता.
प्रस्न ४: भारताचें भायलें रीण कितलें आसा?
जाप: मार्च २०२५ मेरेन, भारताचें भायलें रीण ७३६.३ अब्ज जाता, जें फाट×या वर्सा परस १०% चड आसा. हें ॠऊझ च्या १९.१% आसा. हातूंत सगल्यांत व्हडलो वाटो ३५.५% बिगर-वित्त कंपन्यांचो, २७.५% ठेवी घेवपी संस्थांचो आनी २२.९% सरकाराचा आसा. अमेरिकन डॉलरांनी घेतिल्ले रीण वट्ट परकीय रिणाच्या ५४.२% आसा.
प्रस्न ५: हाका लागून सामान्य लोकांक कितें फरक पडटा?
जाप: सामान्य लोकां खातीर, हाचो अर्थ असो की रीण घेवप आदले परस सोपें जालां. मात रिणाचो भारूय वाडटा. जर तुमी रीण घेतात जाल्यार तुमची फारीक करपाची तांक लक्षांत दवरात. आरबीआयच्या लवचिक चलन धोरणाक लागून व्याजदर उणें जावपाक शकतात. हाका लागून रीण फारीक करप सोपें जावपाक शकता. मात सुक्ष्म वित्त रीण घेतना जतनाय घेवप गरजेचें. कारण ताचें व्याजदर चड आसपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
