भांगरभूंय | प्रतिनिधी
पणजी: समाजीक न्याय आनी सक्षमीकरण मंत्रालयान २०२५ वर्सा खातीरच्या दिव्यांगांच्या सक्षमीकरण राष्ट्रीय पुरस्कारां खातीर अर्ज मागयल्यात. ह्या पुरस्कारां खातीर ऑनलायन नामांकनां/अर्ज स्वीकारपा खातीर www.awards.gov.in हो राष्ट्रीय पुरस्कार पोर्टल उघडला.
दिव्यांगांच्या सशक्तिकरणा खातीर उत्कृश्ट वावर करपी मनीस आनी संस्थांचो भोवमान करपा खातीर दर वर्सा ३ डिसेंबराक दिव्यांग व्यक्तीं आंतरराष्ट्रीय दिसा हे राष्ट्रीय पुरस्कार भेटयता.
दिव्यांग व्यक्तीं सक्षमीकरण राष्ट्रीय पुरस्कारां खातीरची सोपी आनी तर्कशुध्द मार्गदर्शक तत्वां खात्याच्या (www.awards.gov.in ) हे वेबसायटीचेर तशेंच ( www.depwd.gov.in ) ह्या पुरस्कार पोर्टलाचेर उपलब्ध आसात. अर्ज/नामांकनां धाडपाची निमाणी तारीख १५ जूलय २०२५ आसा. चड म्हायती खातीर पात्र व्यक्ती, बिगर सरकारी संस्थां, संस्थां आनी समाज वावुरप्यांनी दिव्यांग व्यक्ती सशक्तिकरण संचालनालय, पर्वरी हांगा संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
