भांगरभूंय | प्रतिनिधी
मडगांवः दुचाकी गाडयो चोरून ताचे पार्ट्स विकपाचो प्रकार फातोड्डें पुलिसांनी उक्ताडार हाडलो. ह्या प्रकरणांत मेहबूब शेख (सां जुझे दि अरियाल) आनी ताचो वांगडी दिलीप हांकां ताब्यात घेतलां.
मेळिल्ले म्हायती प्रमाण, फातोड्डें पुलिसांनी दुचाकी चोरपी दोग जाणांक अटक केल्या आनी तांच्या हेर वांगड्यांचो तपास सुरू आसा. फातोड्डें पुलिसांनी अटक केल्ले दोगूय दुबावीत मुळ कर्नाटकांतले आसात. दुबावीत मेहबूब आनी ताचो वांगडी दिलीप दोगूय दुचाकी चोरताले. मेहबूब हो दुचाकी मेकॅनिक आसून ताचें राय हांगा गॅरेज आसा. चोरिल्ल्यो दुचाकी गाडयो राय हांगाच्या गॅरेजींत हाडून दुचाकीचें सगळे पार्ट्स वेगवेगळे करताले आनी मागीर ते विकताले. फातोड्डें पुलिसांनी दोगांय दुबावितांक अटक केल्या आनी तांचे आनीकय वांगडी आसूं येतात असो दुबाव आसा. ते प्रमाण पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
