भांगरभूंय | प्रतिनिधी
उधमपूर, खबरां संस्था: जम्मू-काश्मीरांल्या उधमपूरच्या बसंतगड भागांत बिरेस्तारा सकाळ सावन जाल्ले फारपेटींत एका आतंकवाद्याक मरण आयलें. ह्या भागांत आनीक तीग आतंकवादी लिपिल्ल्याचो अदमास आसा. लश्कर आनी पुलीस सध्या तांचो सोद घेतात.
जम्मू झोनचे आयजीपी भीम सेन हांणी, बसंतगडच्या बिहाली भागांत फाटल्या एका वर्सा पसून ४ दहशतवादी लिपून राविल्ल्याची म्हायती मेळिल्ली. बिरेस्तारा सकाळीं ८:३० वरांचेर तांचे विशीं म्हायती मेळ्ळे उपरांत तांचो सोद घेवप सुरू जालें.
हाचे मजगतीं दहशतवाद्यांनी सुरक्षा दळांचेर फारपेट सुरू केली. हाका जाप म्हणन एका आतंकवाद्याक सोपयलो. सुत्रांनी दिल्ले म्हायती प्रमाण, ह्या वाठारांत आनीक ३ दहशतवादी आसात. दोनूय वटांनी सध्या फारपेट सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
