भांगरभूंय | प्रतिनिधी
तिगांक मरण, 9 जाण बेपत्ता, 8 जखमी
खबरां संस्था
रुद्रप्रयाग – बदरीनाथ म्हामार्गाचेर बिरेस्तारा सकाळीं व्हड दुर्घटणा जाली. धोलतीर वाठारांत प्रवाशांक घेवन वचपी बस अलकनंदा न्हंयेंत पडली. मेळिल्ले म्हायती प्रमाण बस पडटना पांच ते स जाण न्हंयेंत पडले. घडणुकेचे सुवातेर तीन जाणांच्यो कुडी मेळ्ळ्यात. 9 बेपत्ता आसात जाल्यार 8 जाणांचेर हॉस्पिटलांत उपचार चालू आसात.
दुर्घटणेची खबर मेळटाच सुरक्षा यंत्रणा घडणुकेचे सुवातेर पावली. एसडीआरएफ आनी थळाव्या पुलिसांनी बचाव मोहीम हातांत घेतल्या.
दुर्घटणा जाल्लो टेम्पो ट्रॅव्हलर राजस्थाना सावन येतालो. तातूंतले प्रवासी चारधान यात्रे खातीर आयिल्ले. अलकनंदा न्हंयेक नेटाचो झोत आशिल्ल्यान बस व्हांवून गेली. ह्या दिसांनी उत्तराखंडांतल्या साबार वाठारांनी उटंगाराचो पावस पडटा. हाका लागून न्हंयो उपाट भरून व्हांवतात. पावसाक लागून खूबशे रस्तो अपघात जाल्यात. उत्तराखंडाचे मुख्यमंत्री पुष्कर सिंह धामी हांणी दुर्घटणेचेर दुख्ख उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
