भांगरभूंय | प्रतिनिधी
नांव घेनासतना गोविंद गावडेंचेर मंत्री ढवळीकरांनी प्रतिक्रिया
पणजी : आमी जे कर्म करतात ते प्रमाण आमकां फळ मेळटा. बरें काम केल्यार बरें फळ मेळटा. वायट काम केल्यार वायट फळ मेळटा. भगवद् गितेंत सांगिल्ले प्रमाण दरेकल्याक आपल्या कर्माचीं फळां भोगचींच पडटात, अशें वीजमंत्री सुदिन ढवळीकार हांणी म्हणलें.
प्रियोळचे आमदार गोविंद गावडे हांका मंत्रिमंडळांतल्यान काडला. स. मनोहर पर्रीकार मुख्यमंत्री आसतना एकदां मंत्रिमंडळ बसकेंत गोविंद गावडे आनी सुदिन ढवळीकार हांचे मजगतीं वाद जाल्लो. ह्यो वादाच्यो बातम्यो तेन्ना प्रसिद्धूय जाल्ल्यो. आतां गोविंद गावडे हांचें मंत्रिपद गेले उपरांत तांचें नांव घेनासतना पयलेच फावट वीजमंत्री सुदिन ढवळीकार हांणी ही प्रतिक्रिया उक्तायली.
भारतीय जनता पक्षाच्या आमदारां विशीं हांव कांयच उलोवपाक शकना. तरी खंयच्याय आमदाराच्या तोंडांतल्या बरे शब्द येवपाक जाय. आमदारान सरपंच, पंच आनी सामान्य लोकाक आदरान वागोवपाक जाय. जशें आमी करता तशें फळ आमकां मेळटा. हें हांवें वेगळें सांगपाची गरज ना., अशें वीजमंत्री सुदिन ढवळीकार हांणी गोविंद गावडे हांकां काडिल्ल्या विशयाचेर उलयतना म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
