भांगरभूंय | प्रतिनिधी
शुभांशू शुक्ला आयएसएसांत वचपी पयले भारतीय थारतले
नवी दिल्ली, खबरां संस्था: भारतीय अंतरीक्ष वीर शुभांशू शुक्ला हांच्या ऍक्सिओम-४ हे अंतराळ मोहिमेची नवी प्रक्षेपण तारीख जाहीर केल्या. आतां हें अभियान २५ जुनाक भारतीय वेळे प्रमाण दनपरां १२.०१ वरांचेर अंतरिक्षांत वतलें. ताचें डॉकिंग २६ जुनाक दनपरां ४:३० वरांचेर जातलें. मंगळारा नासान हे विशीं म्हायती दिली.
फाल्कन ९ रॉकेटा वेल्यान प्रक्षेपण केले उपरांत, क्रूक नव्या स्पेसएक्स ड्रॅगन अंतरिक्षांतल्यान आंतरराष्ट्रीय अंतरीक्ष स्टेशनांत धाडटले. ऍक्सियम मिशन ४ (ऍक्स-४) त, चार देशांतले चार अंतरीक्ष वीर १४ दिसां खातीर अंतरीक्ष स्टेशनां वतले.
शुभांशू हे आयएसएसांत वचपी पयले भारतीय आनी अंतरीक्षांत वचपी दुसरे भारतीय आसतले. ह्यान पयलीं राकेश शर्मा हांणी १९८४ वसार सोव्हिएत युनियनच्या अंतरीक्ष यानांतल्यान अंतरीक्ष प्रवास केल्लो.
ऍक्सियम-४ मोहिमेचे नेतृत्व कमांडर पेगी व्हिटसन करतात, जाल्यार शुक्ला हे मिशन पायलट आसात. हंगेरीचे टिबोर कापू आनी पोलंडचे स्लावोज उझ्नान्स्की-विस्निव्स्की हे मिशन तज्ञ आसात.
एका म्हयन्यांत ६ फावटीं मोहीम मुखार धुकल्ल्यो
२९ मे, ८ जून, १० जून, ११ जून, १२ जून आनी २२ जून दिसा प्रक्षेपणाचें वेळापत्रकूय निश्चीत केल्लें. मात आयएसएसच्या झ्वेझदा सेवा मॉड्यूलच्या फाटल्यान भागांवेल्या हालींच्या दुरुस्तीच्या कामाचो आढावो घेवपाक आनी सुरक्षा तपासणी करपा खातीर ते अनिश्चीत काळा खातीर मुखार धुकल्लें.
ऍक्सियम-४ त, चार देशांचे चार अंतराळवीर १४ दिसां खातीर अंतरीक्ष स्थानकांत वतले. शुभांशू हे आयएसएसांत वचपी पयले आनी अंतरीक्षांत वचपी दुसरे भारतीय आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
