भांगरभूंय | प्रतिनिधी
पणजी : चोडण ते रायबंदर मजगतीं सेवा दिवपी एक फेरीबोट आयज सोमारा, २३ जुनाक सकाळीं चोडण धक्याचेर बुडपाची घडणूक घडली. फेरीबोटींत कर्मचारी आनी तांच्यो तीन दुचाकी आशिल्ल्यो. ह्यो तिनूय दुचाकी उदकांत बुडल्यो. हे घडणुकेंत कोणाक कांय जावंक ना.
हे घडणुके उपरांत न्हंय परिवहन खात्याच्या अधिकार्यां कडेन संपर्क केलो तेन्ना तांणी दिल्ले म्हायती प्रमाण, फेरीबोट योग्य दिकेन पार्क करूंक नाशिल्ल्यान तातूंत भितर उदक आयलें आनी ती बुडली, असो अदमास तांणी उक्तायलो.
हे घडणुके उपरां उजो पालोवपी दळान पंपाचे मजतीन बोटींतलें उदक काडलें आनी बोट परत उफेंली. न्हंय परिवहन खात्यान ह्या प्रकाराची गंभीर दखल घेवन चवकशी करपाचे आदेश दिल्यात.
चोडण-रायबंदर फेरी मार्गाचो वापर करपी शेकड्यांनी प्रवाशां खातीर न्हंय परिवहन खात्यान वट्ट पांच फेरीबोटी उपलब्ध करून दिल्यात. हातुंतल्यो आयज बुडिल्ली फेरीबोट सोडून हेर चारूय सुरळीत चलतात. हाका लागून प्रवाशांक व्हडलीशी आडखळ जाली ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
