भांगरभूंय | प्रतिनिधी
विक्रेत्यांची मागणी : वायट उतरां वापरिल्ल्याचो आरोप
भांगरभूंय । प्रतिनिधी
म्हापशें: म्हापशें मालिका मंडळ परतून एकदां थळाव्या विक्रेत्यांच्या रडारार आयलां. पालिकेच्या कर्मचाऱ्यान बाजारांत विक्रेत्यांचेर कारवाय करतना वायट उतरां वापरलीं असो दावो करीत विक्रेत्यांनी ह्या कर्मचाऱ्याक निलंबीत करात म्हूण मागणी केल्या. असो प्रकार खंय खूब फावटी जालां.
कांय बायलां विक्रेत्यांनी पुलीस स्टेशनांत कागाळ दाखल केल्या. पालिकेचो कर्मचारी त्रास करता, वायट उतरां वापरतात, अशी कागाळ केल्या.
पालिका कर्मचाऱ्यांनी कसलीच पूर्वसुचोवणी वा उपचारीक गजाली पुराय करिनासतना तांकां तांच्या नेमिल्ले सुवाते वयल्यान काडपाचो यत्न केलो अशें विक्रेत्यांनी सांगलें. विक्रेत्यांक कांय थळाव्यांनीय तेंकों दिला.
हे विक्रेते म्हापशेंचो अविभाज्य घटक आसात. त्यो म्हत्वाच्यो वस्तू आनी सेवा दितात. ते अपमानाक न्हय तर सन्मानाक पात्र आसात, अशें घडणुकेचें निरिक्षण करपी थळाव्या रहिवाशान सांगलें. तांचे कागाळीं वांगडाच विक्रेत्यांनी बाजार शुल्क वसूल करपांत आशिल्ल्या कथीत विसंगती विशीं म्हायती दिली. शुल्क एकठांय करपा खातीर नेमिल्लो एजंट पावती दिवपाक फाटीफुडें जाता, आनी कांय बाबतींत अधिकृतपणान स्थापन केल्ल्या दरा परस चड मागणी करता असो आरोप तांणी केलो. पावती मागल्यार आडनदर करता, केन्ना केन्ना शाणपणाय सांगतां, असो तांणी दावो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
