भांगरभूंय | प्रतिनिधी
वास्को : बोगमाळोच्या एका रिसॉर्ट’त एके बायलेचेर बलात्कार आनी मारपेट प्रकरणांत कुडचडेंच्या सरवर खान हाचे आड वास्को पुलिसांनी गुन्यांव नोंद केला.
ही घडणूक ९ जून २०२५ दिसा घडल्या संबंदीत बायलेन कुडचडें पुलीस स्टेशनांत कागाळ दाखल केल्ली. ते प्रमाण झिरो एफआयआर नोंद करून प्रकरण वास्को पुलिसांकडेन नोंद केलें. कागाळी प्रमाण, सरवर खान हांणी बायलेचेर बलात्कार केलो आनी उपरांत तिका मारपेट केली. ह्या प्रकरणांत वास्को पुलिसांनी भारतीय न्याय संहिता २०२३ खाला कलम ६४ (बलात्कार) आनी ११५(२) (हिंसक हल्ला) खाला गुन्यांव नोंद केला.
दक्षीण गोंयचे पुलीस अधीक्षक टीकम सिंह वर्मा आनी मुरगांवचे पुलीस उपअधीक्षक गुरुदास कदम हांच्या मार्गदर्शना खाला तशेंच वास्को पुलीस स्टेशनाचे निरीक्षक वैभव नायक हांच्या नेतृत्वा खाला बायल पुलीस उपनिरक्षक फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
