भांगरभूंय | प्रतिनिधी
भांगरभूंय । प्रतिनिधी
पणजीः फोंडें म्हालांतल्या वानरमारे समुदाया खातीर राशन कार्डाचे लाव तांचे मेरेन पावोवन तांका कड्डणाची पुरवण तशेंच तांची रेशन कार्ड करपाची मोहीम हातांत घेतल्या. हे सारकिल्ली मोहीम गोंयच्या हेर मागास समुदाया खातीर नागरी पुरवण खातें घेवपाची आसा, अशी म्हायती नागरी पुरवण खात्याच्या अधिकाऱ्यांनी दिली.
नागरी पुरवण खात्याच्या फोंडें म्हालांतल्या अधिकाऱ्यांनी निरंकाल फोंडें हांगासर वानरमारे समुदायाक भेट दिवन तांचे रेशना विशींच्यो समस्या जाणून घेतल्यो. तांचे मेरेन सोसायटीचे कड्डण पावता काय वा सगळ्या कडेन राशन कार्डा आसा काय ह्या वेळार निश्चित केले. तशेंच जांचे कडेन राशन कार्डा ना तांकां नवी राशन कार्ड करून दिवप आनी जांकां वेगळे रेशन कार्डा करपाक जाय ह्या समस्यांचे निवारण ह्या वेळार केले.
जेन्ना आमी समुदाया वांगडा चर्चा करताले तेन्ना एके बायलेन आमका सांगले, तांकां पयली जेवणा खातीर भिक मागची पडटाली. पूण पीएचएच रेशन कार्डांक लागून कड्डण मेळिल्ले कारणान तांकां दुसऱ्यांचेर निंबून रावचे पडना आनी बऱ्या दर्जाचें कड्डण फुकट मेळटा, अशें अधिकाऱ्यान सांगले.
तशेंच हेर वाठारांतले जे मागास आनी कुशीक उरिल्ले समुदायाचे वांगडी आसात तांचे खातीर नवे रेशन कार्ड करपाचे खाशेले शिबीर घेवपाचे नागरी पुरवण खात्यान थारायलां.
हें मोहीमेत फोंडेंचे नागरी पुरवण खात्याचे सहाय्यक संचालक गौरव नायक, थळावे पंच वांगडी अक्षय गांवकार, उप निरिक्षिक दिपक नायक, सोसायटी धनी अशोक नायक आनी समुदायचे मुखेली गोपाल पवार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
