भांगरभूंय | प्रतिनिधी
पेडणें : एफडीएन धडक मोहीम राबयत मोरजेचो विट्ठलदास वाडो, मधलोवाडो आनी आशिकुशीकच्या वाठारांतल्या वट्ट २१ हॉटेलांची पळोवणी केली. हातूंतलीं चार हॉटेलां सारकीं बुरशे स्थितींत सांपडिल्ल्यान तांकां तेन्नाच बंद करपाचे आदेश दिले. जाल्यार हेर सगल्या हॉटेलांक १४ दिसां भितर गरजेची सुदारणां करपाचे निर्देश दिले आनी नोटीसो दिल्यो. योग्य सुधारणा जायना जाल्यार फुडली कारवाय करतले अशीय शिटकावणी दिली.
तपासणे मजगतीं हॉटेलांतले जेवणाचे जिन्नस दिसाळ्यांनी गुठलावन विकतना दिसलें. ह्या प्रकरणांत २००० रुपया आनी ३००० रुपयांचो दंड आयकयलो. एफडीएच्या ह्या कारवायांक लागून थळाव्या हॉटेल वेवसायिकां मदीं जेवणाची सुरक्षितताय आनी नितळसाणे विशीं जागरुकताय निर्माण जाल्या. जायते हॉटेल वेवसायीक गरजेचीं सुधारणां करतना तपासणे वेळार मुखार आयलें.
ही कारवाय एफडीएची संचालक श्वेता देसाय हांच्या मार्गदर्शना खाला रिचर्ड नोरोन्हा, योगिता सिरसाट, भक्ती वाळके, राम धुरी, अमित मांद्रेंकार आनी लेनिन डिसा हांच्या पंगडान केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
