देशभरांतले विमानतळ सुरक्षिततायेचे मुळावे नेम पाळिनात

भांगरभूंय | प्रतिनिधी

नवी दिल्ली, खबरां संस्था: विमान अपघातांत जीव वगडायल्या उपरांत एक गजाल मुखार आयल्या ती म्हळ्यार तांत्रीक इबाड. अहमदाबाद अपघातान हें स्पश्ट केलां, हो फकत तांत्रीक इबाड नाशिल्लो, जाल्यार संस्थात्मक आनी प्रशासकीय पांवड्यावेलोय इबाड आशिल्लो. डीजीसीए (नागरी विमान येरादारी महासंचालनालय) नेम, एएआय (विमानतळ प्राधिकरण भारत) च्यो मागण्यो आनी २०१९ च्या तपासणी अहवालांत हें सगलें आस्पावलां, तरी अपघात जालो.
अहमदाबाद प्रमाणूच देशांतले जायते विमानतळ मुळावे सुरक्षिततायेचे नेम पाळिनात. एके कडेन देशांत उड्डाणां आनी प्रवाशांचो आंकडो वाडतूच आसा. जाल्यार धावपट्टी सुरक्षा, बफर झोन आनी ओएलएस (ऑब्सटेकल लिमिटेशन सरफेस) अश्या मुळाव्या मुद्यांचेर गंभीर त्रुटी उरल्यात. डीजीसीएच्या एअरोड्रोम इन्स्पेक्टर हँडबुक आनी ‘सीएआर’ (नागरी विमान येरादारी आवश्यकता) प्रमाण, दरेका धांवपट्टीच्या टोकाचेर ९० ते २४० मिटर अंतराचेर ‘रेसा’ (रनवे एंड सेफ्टी एरिया) वा रनवे सेफ्टी एरिया आसप गरजेचें. जाका लागून टेकऑफ वा लँडिंगांत कसलेच तरेचो इबाड जाल्यार विमान सुरक्षितपणान थारावं येता.
ओएलएस खाला धावपट्टी भोंवतणी कसलेंच कायम स्वरूपाचें बांदकाम, खांबो वा इमारत आसपाक जायना, मात अहमदाबाद विमानतळ ह्या दोनूय गरजेचे नेम पाळिना.

जायते़ विमानतळ मुळावे नेम पाळिनात
डीजीसीएचो वर्सुकी वार्षिक तपासणी अहवाल आनी विमानतळ मुळाव्यो सुविधा प्रकल्पांच्या अभ्यासांतल्यान अशें दिसलें, देशांतले जायते विमानळ ‘रेसा’, ‘ओलएसए’ वा भूसंपादन अशे गरजेचे नेम पाळिना. महाराष्ट्रांतल्या पुणे लागसारचो प्रस्तावीत पुरंदर विमानतळ २०१६ वर्सा सावन आडकून आसा. कारण २८०० चेर शेतकार जमनीच्या संपादनाक विरोध करतात. पाटणा विमानतळाच्या धांवपट्टीचेर दाट लोकसंख्या आसा. त्रिवेंद्रम, कोयंबतूर, म्हैसूर, मंगळूरू ह्या शारांनीय धांवपट्टी विस्तारा खातीर वा सुरक्षेच्या वाठारा खातीर मागणी केल्ली जमीन दिवंक ना.
अहमदाबाद विमान अपघाताचें कारण सोदून काडपा खातीर डीजीसीएन एअर इंडियाच्या ड्रीमलायनर विमानाची तपासणी केली. हाका लागून मंगळारा ७ आंतरराष्ट्रीय विमान सेवा रद्द जाली. हीं सगळीं विमानां बोईंग ७८७-८ ड्रीमलायन विमानां चलयतात. एअर इंडियान मंगळारा सावन अहमदाबाद-लंडन विमान सेवा सुरू केल्ली. पूण विमान उपलब्ध नाशिल्ल्यान तीं रद्द केलीं.