भांगरभूंय | प्रतिनिधी
धारबांदोड्यांः प्रतापनगर- धारबांदोड्यां सोमारा सकाळीं एके अनवळखी चलयेची कूड सांपडली. हे चलयेचो गळो चिरून खून जाल्ल्याचें पुलीस तपासांत उक्तें जालें. हे विशीं कुळें पुलीस स्टेशनाचे राघोबा कामत, फोंडें पुलीस स्टेशनाचे विजयनाथ कवळेंकार, तशेंच उपअधिक्षक शिवराम वायंगणकार घडणुके सुवाते दाखल जाल्यात. हे विशीं पुलीस फुडलो तपास करतात.
हे चलयेची पिराय २५ वर्सां लागीं आशिल्ल्याची म्हायती सुत्रां कडल्यान मेळ्ळ्या. घडणुके सुवातेर चलयेचें कसलेच तरेचें वळखपत्र, कागदपत्र सापडूंक ना. आजून संबंदीत चलयेची वळख पटूंक ना. हे घडणुके उपरांत धारबांदोड्यां बोच बोवाळ निर्माण जाला. पुलीस हे विशीं नेटान चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
