भांगरभूंय | प्रतिनिधी
नवी दिल्ली, खबरां संस्था: पोशिल्लीं जनावरां पाळप जितलें सुखदिणें आसता तितलेंच ताचो खर्चूय बरोच आसता. भारतांत पयलेच फावट जनावरां पोसपी लोक सहजा फकत जेवण आनी लसीकरण अश्या गरजेच्या खर्चांचेर लक्ष दितात, मात प्रत्यक्षांत हाचे फाटल्यान बरोच खर्च जायत आसता.
हातूंत ग्रुमिंग, प्रशिक्षण, वैद्यकीय आपत्कालीन स्थिती, प्रवास आनी ऍक्सेसरीज अश्या खर्चांचो आसपाव आशिल्लो. जर पोसपी जनावरांचो आदीं सावन अदमास नासल्यार हें बोल्साक बरेंच म्हारग पडपाक शकता. आयज आमी अश्याच खर्चां विशीं जाणून घेवया.
योग्य बजेट करून तुमी तुमच्या पोशिल्ल्या जनावराक अशे तरेन घटमूट आनी निरोगी दवरपाक शकतात:
गरजेचो खर्च
ब्रिडरा कडल्या पॅडिग्री घेतल्यार- ५ हजार ते १.५ लाख खर्च
आयदणां, हांतरूण आनी खेळणी – ३ हजार ते १० हजार खर्च
मॅडिकल (लसीकरण-सर्जरी) – २ हजार ते १ लाख खर्च
दर म्हयन्याक जेवण आनी पोशण : १५०० ते ५ हजार खर्च
स्पेशल जेवणाचेर – ३ हजार ते ७ हजार खर्च
प्रशिक्षण – ५ हजार ते १५ हजार खर्च
पोशिल्लीं जनावरां विकत घेवपाचो खर्च लाखांनी रुपया
पोशिल्ल्या जनावराक घरांत हाडपाचे उमेदी वांगडा खुबशे खर्च सुरू जातात. पॅडिग्री घेवपा खातीर तांचें दर लाखांनी जाता. उपरांत हांतरून, आयदणां, खेळणी अश्या गजालींचेर १० हजारां परस चड खर्च जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
