भांगरभूंय | प्रतिनिधी
बंगळुरू, खबरां संस्था: कर्नाटकाच्या बंगळुरूंत आवय आनी धुवेन सुमार ५ हजार बायलांक इंग्लीशींत उजोवपाचे धडे दिले. तांकां स्वताच्या पायांचेर उबें रावपाक मेळचें हो हे फाटलो तांचो हेतू. जायत्यो बायलो शिक्षक,नर्स जाल्यो. खुबश्या जाणांनी दुसर्या राज्यांत आनी कांय जाणांनी विदेशांत नोकरी मेळयली.
रमादेवी पांडे आनी तांची धूव भ्रामरी पांडे इंग्लिशींत एमए आसात. १६ वर्सां सावन त्या १६ ते ६५ वर्सां पिरायेच्या बायलांक फुकट इंग्लीश शिकयतात.अश्रू किरण इन्स्टिट्यूट हें तांच्या कोचिंगचें नांव. भ्रामरी हांणी सांगलें,‘आमचे कडेन जायत्यो ज्येश्ठ बायलो आयल्यो. विदेशांत आशिल्ल्या नातरां कडेन उलोवपाक मेळचे खातीर तीं इंग्लीश शिकलीं. जाल्यार खुबश्या घरगुती सहायकांनी गिरेस्तां कडेन बर्या पगाराचेर काम करपा खातीर. हो प्रवास २००९ त सुरू जाला. म्हज्या घरगुती सहायिकेन म्हाका इंग्लीश शिकोवपाची मागणी केली. उपरांत हांव आई वांगडा बायलांक इंग्लीशींत उलोवपाक शिकोवपाक सुरवात केली. तेंय बी गरीब घरांतल्या बायलांक. फीची चिंता करिनासतना उत्कृश्ठ फुडार घडोवपाक मेळचो होच ताचे फाटलो हेतू.
इंग्रजी शिकपी संगीता शेट्टी म्हणटात,‘हांव २ वर्सांनी इंग्लीश उलोवपाक शिकली. आतां हांव शाळेंत शिक्षिका आसा.’
कोर्स… गरजे प्रमाण दितात शिक्षण
भ्रामरी हांणी म्हणलें,‘ कामा प्रमाण बायलांची इंग्लीश शिकपाची गरज वेगवेगळी आसा. खूब उणें शिकिल्ल्या आनी अशिक्षीत बायलांक सामान्य गजाली समजुच्यो आनी गरजेचीं आशिल्लीं कांय वाक्यां उलोवपाक मेळचीं हाचेर आमी चड भर दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
