भांगरभूंय | प्रतिनिधी
मरण आयिल्ल्यांचो आंकडो पावलो 275 चेर
खबरां संस्था
अहमदाबाद : अहमदाबाद विमान दुर्घटणा जाल्ले सुवातेर शेनवारा आनीक एक कूड सांपडली. शेनवारा बीजे मॅडिकल कॉलेजीच्या हॉस्टेलांतली मातयेची रास काडटना, विमानाच्या निमाण्या पोतार एक कूड आडकल्ली सांपडली. ती खाला हाडून ताचो पोस्टमार्टम केलो. ही कूड अॅर होस्टेसची आसूं येता असो अदमास आसा. आतां मरण आयिल्ल्यांचो आंकडो 275 चेर रावला. 248 कुडींची डीएनए चांचणी पुराय जाल्या, जाल्यार 9 कुडींची वळख पटल्या.
कुडींच्या डीएनए सँम्पलिंगाचें काम शेनवाराय चालू आसलें. सिव्हील हॉस्पिटला भायर मरण आयिल्ल्यांच्या घरच्यांची गर्दी आशिल्ली. थंय खर सुरक्षा वेवस्था दवरल्या. पोस्टमार्टम युनिटा भोंवतणी भायल्या लोकांक प्रवेश बंदी आसा.
सिव्हील हॉस्पिटलांत आतां मेरेन 270 परस अदीक कुडींचो पोस्टमार्टम केला. तशेंच 230 लोकांचें डीएनए सॅम्पलींग केलां.
पायलटाचो निमाणो संदेश
पायलटाचो निमाणो संदेश भायर आयला. अहमदाबाद विमान दुर्घटणा प्रकरणांत विमानाचो पायलट सुमीत सभरवाल हाणें अॅर ट्रॅफीक कंट्रोलर हाका धाडिल्लो निमाणो संदेश मुखार आयला. 4 – 5 सेकंदाच्या संदेसांत सुमीत म्हणटा, मेडे, मेडे, मेडे… नेट मेळना. पावर उणी जाता, विमान वयर उड्डाण घेना. वांचचे ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
