भांगरभूंय | प्रतिनिधी
दोडामार्ग: मांगेली- कुसगेवाडींत (दोडामार्ग) दोगा सख्ख्या भावांक लायटीचो शॉक लागलो. हातूंत एकल्याक मरण आयलें, जाल्यार दुसऱ्याक उपचारा खातीर जीएमसींत हाडला. मरण आयिल्ल्याचें नांव नागेश पांडुरंग गवस (३५), तर व्हडलो भाव संदीप (४५) गभीर जखमी जाला.
अपघाता उपरांत दोगांक रोखडेंच दोडामार्ग ग्रामीण हॉस्पिटलांत व्हेले. पूण दोतोरांनी नागेश हाका मरण आयिल्ल्याचें सांगलें. जाल्यार संदीप हाची भलायकी गंभीर आसतना ताका फुडले उपचारा खातीर जीएमसींत धाडलो.
ह्या अपघाताक लागून गांवांत शोक पातळ्ळां आनी गवस कुटुंबाचेर दुख्खाची साया पातळ्ळ्यां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
