भांगरभूंय | प्रतिनिधी
पणजी ः गोंय पुलीस खात्यांत व्हड बदल जाल्यात. दोन निरिक्षक, 34 उपनिरिक्षक आनी हेर मेळून वट्ट 565 पुलीस कर्मचाऱ्यांची बदली केल्या, तातूंतल्या 60 जाणांची पुलीस नियंत्रण कक्षांत नेमणूक केल्या.
मजगतीं, नव्यान भरती जाल्ल्या 859 पुलीस काँस्टेबलांची वेगवेगळ्या पुलीस स्टेशनांनी नेमणूक केल्या. हाका लागून पुलीस दळाची कार्यक्षमताय खूब वाडपाची शक्यताय आसा. तशेंच राज्य गृह मंत्रालयान वट्ट 82 नव्या पदांचे निर्मितीक मान्यताय दिल्या. तातूंत सहाय्यक पुलीस उपनिरिक्षक पदा खातीर 27 आनी हेड कॉन्स्टेबलाच्या (ड्रायवर) पदा खातीर 55 पदां आसात. ह्या बदलांक लागून पुलीस खात्याच्या वावराक चड गती मेळटली अशी अपेक्षा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
