भांगरभूंय | प्रतिनिधी
पावसाच्या हंगामात गरमी पसून सुटका मेळटा. पूण जायत्या संसर्गजन्य दुयेंसांचो धोको वाडटा. साबार सुवातींनी आर्द्रताय आनी उदक भरिल्ल्यान बॅक्टेरिया आनी व्हायरस नेटान वाडटात. हाका लागून संसर्ग पातळपाचो धोको वाडटा. हे दुयेंस वेळार वळखूंक ना जाल्यार केन्ना केन्ना ताचो गंभीर परिणाम जाता.
पावसाच्या दिसांनी डेंग्यू, मलेरिया, चिकनगुनिया, लेप्टोस्पायरोसिस, टायफॉयड, कॉलरा, अतिसार, पोटाचो फ्लू, कंजंक्टिवायटिस आनी व्हायरल जोर अशे दुयेंस चड प्रमाणांत जातात.
कॉमन मान्सून डिसीज आनी तांची लक्षणां
० डेंग्यू – उच्च जोर, कातीचेर फोड येवप, तकली दुखप.
० चिकुनगुनिया – चड जोर, सांदे दुखप, अशक्तपणा, थंडी डाणवप.
० मलेरिया – चड जोर, कुड दुखप, तकली दुखप, थंडी जाणवप.
० कॉलरा – लूज मोशन, ओंकारी, पोटांत दुखप, अशक्तपणा.
० टायफॉयड जोर – जोर, भूक लागप ना, तकली दुखप, थकवो.
० व्हायरल जोर – जोर, गळ्यात दुखप, थकवो, कुड दुखप.
० लेप्टोस्पायरोसिस – जोर, थंडी जाणवप, तकली, कुडींत दुखप, दोळे तांबडे जावप, ओंकारी, लूज मोशन.
० इन्फ्लूएंझा – अचानक जोर येवप, थकवो, कुडीत दुखप, खोकली.
० कंजंक्टिवायटिस – दोळे तांबडे जावप, खाज येवप, दोळे सुजप.
पावसाच्या दिसांनी जावपी दुयेंस टाळपा खातीर…
० साबू लावन हात धुवचें.
० दुयेंत लोकां पसून कांय अंतर दवरात.
० दोळे, नाक आनी तोंडाक स्पर्श करप टाळात.
० घर आनी कुशीकचो वाठार निवळ दवरात.
० रांदची कुड नितळ दवरात.
० जराळा पसून वाटावपा खातीर मच्छरदाणी वापरात.
० जोर वा खोकली आसल्यार भौशिक सुवातेर वचप टाळात.
० उक्ते सुवातेर दवरिल्ले खाण खावप टाळात.
० उदक गाळून वा गरम करुन पियेवचे.
० गरज पडल्यार दोतोरांचो सल्लो घेयात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
