भांगरभूंय | प्रतिनिधी
गोवा फॉरवर्डच्या काणकोण मंडळ अध्यक्षपदार दत्ता गांवकार
काणकोण: फाटले विधानसभा वेंचणुकेंत काणकोण मतदारसंघांत आठ उमेदवार उबे राविल्ले आनी तांतल्या ७ उमेदवारांनी ६७% मतां घेतिल्ल्यानूच आनी मतां वाटून गेल्ल्यान भाजपाचे उमेदवार ३३ टक्के मतांनी वेंचून आयिल्ले. २०२७चे वेंचणुकेंत इंडिया आघाडी एकठांय येवन ३३ टक्के मतां घेतिल्ल्याक हारयतले. हे नदरेन काणकोणच्या ५९ बुथांचेर काम करपाचे नदरेन आदले सरपंच दत्ता गांवकार हांच्या नेतृत्वा खाला समिती काडली अशें गोवा फॉरवर्ड पक्षाचे फुडारी प्रशांत नायक हांणी सांगलें.
गोवा फॉरवर्ड पक्षान काणकोण मंडळ अध्यक्ष म्हणून आदले सरपंच आनी आदिवासी फुडारी दत्ता गांवकार हाची निवड केली. दत्ता गांवकार हांच्या मार्गदर्शना खाला समिती जाहीर करपा खातीर काणकोणा पत्रकार परिशदेचें आयोजन केल्लें. ह्या वेळार पक्षाचे महामंत्री दुर्गादास कामत, पक्षाचे ज्येश्ठ फुडारी मोहनदास लोलयेंकार, पर्यावरण विभागाचे मुखेली विकास भगत, रॅमी बॉर्जिस हजर आशिल्ले.
ह्या वेळार कामत हांणी पक्षाचे अध्यक्ष विजय सरदेसाय हांणी मान्यताय दिल्ली समिती जाहीर केली. तशेंच १५ जून सावन गोवा फॉरवर्ड पक्षाचे काणकोणचें कार्यालय पुराय वेळ उक्तें दवरतले अशी म्हायती दिली. नागरिकांच्यो समस्या जाणून घेतनाच विवीध येवजण्यांची म्हायती जनतेक दितले. तशेंच बेगीनूच काणकोणा जनता दरबार घेतले अशें कामत हांणी सांगलें.
जाहीर केल्ली समिती:
अध्यक्ष दत्ता गांवकार, उपाध्यक्ष गुरु बांदेकार, सरचिटणीस रॅमी बॉर्जिस, भांडारी उमेश तुबकी, सहाय्यक सचीव जयेश नायक, सभासद सुलेश पागी, इम्तियाज शेख, सुरेखा बांदेकार, लक्ष्मण गांवकार, गणेश धुरी, पंचायत आनी नगरपालिका क्षेत्रांतले प्रभारी अजय पागी, आगोंद तेजन मुडकुडकार, श्रीस्थळ दशरथ गांवकार, गावडोंगरी संदेश वेळीप, गावडोंगरी सुधाकर वेळीप, पैंगीण लॉयड गुदिन्हो, लोलयें सिबेस्ट फर्नांडीस.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
