भांगरभूंय | प्रतिनिधी
जर सकाळीं उठतांच तुमचें पोट दुखल्यार आनी आंबट धेंकर आयल्यार ते गॅस्ट्रोएसोफेजियल रिफ्लक्स दुयेंसाचीं लक्षणां आसपाक शकता. गॅस्ट्रोएसोफेजियल रिफ्लक्स ही अशी स्थिती आसा, जेन्ना पोटांतल्यान जेवण वा गॅस जेवणाची नळयेंतल्यान येता, जाका लागून पोटांत जळप, दुखप, पोट फुगप, सेगीत आंबट धेंकर येवप आनी ओंकारी येवप अशीं लक्षणां जाणवतात.
काळें मीठ आनी सेलेरी
पोटांत दुखप, आंबट धेंकर येवपा पसून सुटका मेळपा खातीर काळें मीठ आनी सेलेरी खावची. सेलेरींत थायमोल आसता, जें गॅस आनी अपचना पसून आराम दिवपाक आदार करता. काळें मीठ पित्ताचें प्रमाण नियंत्रीत करपाक आदार करता. उश्ण उदका वांगडा काळें मीठ आनी सेलेरी खावपाक शकता.
काळें मीठ आनी जिरें
काळें मीठ पचना खातीर खूब फायद्याचें थारूंक शकता. आंबट धेंकराचे समस्यांतल्यान सुटपा खातीर मीठ आनी जिरें फायद्याचें थारूंक शकता. १ चमचो जिरें घेवचें आनी तें तव्यार भाजून घेवचें, मागीर दळचें. उपरांत एक ग्लास गरम उदकांत काळें मीठ आनी जिर्या पिठो घालून तें पियेवचें. ह्या उदकान तुमकां बरें दिसतलें.
बडीशेपीचें उदक
जर तुमकां आंबट धेंकर येवपाची समस्या आसा जाल्यार मागीर तुमी बडीशेपाचे उदक पियेवंक शकतात. बडीशेप पचन तंत्रांत सुदारणा करता. बडीशेप खाल्यार पोटांत गॅस जायना. गॅसाचो प्रॉब्लेम आसल्यार मागीर जेवणा उपरांत बडीशेप चाबपाक जाय. बडीशेप खाल्यार गॅस आनी अपचन ह्या समस्यांतल्यान सुटका मेळटा.
लिंबाचें उदक
केन्ना केन्नाय अशें जाता की सकाळीं उठले बरोबर धेंकर येवपाक लागतात. तुमकांय अशेंच जाता जाल्यार मागीर रोखडोच एक पेलो लिंबाचें उदक पिवचें. सादें मीठ सोडून लिंबाच्या उदकांत काळें मीठ घातल्यार बेगीन बें दिसतलें.
जिर्याचें उदक
आंबट धेंकर येवपाचे समस्येचेर जिर्याचें उदक पियेवप हो एक प्रभावी उपचार. हे खातीर गरम उदकांत मात्शे जिरें घालून तें पियेवचें. हें पियेल्यार पोटांतल्या गॅसाची समस्या उणी जाता आनी आंबट धेंकर येवप उणे जातात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
