भांगरभूंय | प्रतिनिधी
इस्लामाबाद, खबरां संस्था: पाकिस्तानांतल्या कराचीच्या मालीर बंदखणींतल्यान २ जुनाक २१६ कैदी पळून गेल्ले. तांचे वांगडा बंदखणींतले हेड कॉन्स्टेबल राशिद चिंगारी फरारी जाल्ल्याच्यो बातम्यो येतात. ताचेर कैद्यांक पळून वचपाक मजत केल्ल्याचो आरोप आसा.
पाकिस्तानी वेबसायट एआरवाय न्युजा प्रमाण, सिंध सरकारान तांकां रोखडीच अटक करपाचे आदेश दिल्यात. पाकिस्तानाचे बंदखण मंत्री अली हसन झरदारी स्वता ह्या प्रकरणाची चवकशी करतात. खबरां प्रमाण, १२६ कैदी परतल्यात, जाल्यार ९० कैदी अजूनय फरारी आसात.
सुरवातेच्या तपासांत अशें दिसून आयलें, कांय अधिकारी बंदखणींत कैद्यांक मजत करताले. राशिद चिंगारीचें नांव पयलींच निलंबित केल्ल्या २३ बंदखण कर्मचार्यांचे वळेरेंत नाशिल्लें, मात उपरांतच्या तपासांत तांचें नांव मुखार आयलें. हातूंत वाटेकार आशिल्ल्या अधिकार्यांचेर कारवाय करतले, अशें बंदखण मंत्र्यांनी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
