भांगरभूंय | प्रतिनिधी
वाळपय: राज्यांतल्या रान खात्याचे अखत्यारींत येवपी आनी गोंय रान विकास महामंडळा वतीन विकसीत केल्ल्या घसघश्यांचेर कसलेच तरेची बंदी ना. पावसांच्या दिसांनी सगले पर्यटक ह्या घसघश्यांची मजा घेवपाक शकतात. हाका लागून पर्यटकांनी संभ्रमीत जायनासतना व्हडा संख्येन घसघश्यांक भेट दिवची. हाका लागून कसलेच तरेची आडखळ निर्माण जावची ना हाची विशेश काळजी रान खातें आनी गोंय विकास महामंडळाचे कर्मचारी घेतले अशें वनविकास महामंडळाची चेअरमन डॉ. देविया राणे हांणी स्पश्ट केलें.
राज्याच्या जिल्लोधिकारी कार्यालयांतल्यान घसघश्यांचेर वचपाक बंदी घालपाचो आदेश ह्यान पयलीं दिल्लो. हाका लागून निसर्ग पर्यटक आनी गोंयकारां मदीं संभ्रम निर्माण जाल्लो. सध्या पावस नेटान सुरू आसा. घसघशे सुरू जाल्यात. सुरवातेच्या काळांत घसघश्यांचेर कांय प्रमाणांत धोका निर्माण जावपाक शकता. मात ते विशींची पुराय जतनाय रान खातें आनी गोंय रान विकास महामंडळाच्या कर्मचार्यांनी घेतल्या. वेगवेगळ्या घसघश्यांचेर गरजेचें वेवस्थापन केलां. हाका लागून कसलेच तरेचो हुस्को करपाची गरज ना अशें आमदार डॉ. राणे हांणी स्पश्ट केलें.
तांणी जारी केल्ल्य नामनेच्या प्रसिद्धी पत्रकांत गोंय रान खात्याच्या आनी गोंय वनविकास महामंडळान ज्या घसघश्याचें सौंदर्यीकरण केलां आनी विकसीत केलां त्या सगल्या घसघश्यांचेर पर्यटकांक कसलेच तरेची बंदी ना. पावसांत सैम मोगी घसघश्यांची उमेद घेवपाक शकतात. गरजेची जतनाय घेतल्या. वेगवेगळ्या घसघश्यांचेर रान खात्याचे कर्मचारी हांची वेवस्था केल्या. गरजेच्या स्वरूपाच्या सुरक्षा यंत्रणां त्या सुवातांनी तैनांत केल्या. हाका लागून सैम मोगींनी आनी नागरिकांनी घसघश्याचेर वचपा खातीर कसलेचो तरेची आडखळ नर्माण जावची ना अशें राणे हांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
