भांगरभूंय | प्रतिनिधी
देशभरच्या कोरोना दुयेतींचो आंकडो ४१४५च्या वयर पावला. २८ राज्यां आनी केंद्रशासीत प्रदेशांतल्यान हे दुयेंती मेळ्ळ्यात. केरळांत सगल्यांत चड १४१६ सक्रीय दुयेंती आसात. सगल्यांत चड केरळांत १४१६ दुयेंती आसात, जाल्यार ५१० दुयेंती सयत महाराष्ट्र दुसर्या नंबराचेर आसा. तशेंच सध्या गोंयांत ८ दुयेंती सक्रीय आसात.
जानेवारी सावन देशांत कोरोनाच्या नव्या प्रकाराक लागून ३८ जाणांक मरण आयलें. फाटल्या ५ दिसांनी ३१ दुयेतींक मरण आयलें. महाराष्ट्रांत सगल्यांत चड १० आनी केरळांत ९ जाणांक मरण आयलें. मंगळारा देशांत कोणाकूच कोरोनाक लागून मरण येवंक ना.
मंगळारा हिमाचल प्रदेशांत कोरोनाचो पयलो दुयेंती मेळ्ळो. उपरांत, राज्य सरकारान रातं उसरां एक सल्लागार जारी केलो आनी सगल्या हॉस्पिटलांनी मास्क घालप सक्तीचें केलें. दुयेंतीं वांगडा हॉसपिटलांत येवप्यांकूय मास्क घालचें पडटलें.
केंद्र सरकारान सांगलें- कोरोनाक तोंड दिवपाक तयारी पुराय जाल्या. केंद्रीय भलायकी आनी आयुष राज्यमंत्री प्रतापराव जाधव हांणी, भलायकी विभाग आनी आयुष मंत्रालय पुरायेन शिटूक आसात. आमी सगल्या राज्यांच्या परिस्थितीचेर लक्ष दवरून आसात. आमी संबंदीत सचीव आनी मंत्र्यां कडेन उलयल्यात.
तांणी मुखार म्हणलें, फाटल्या कोवीड ल्हारा मजगतीं बांदिल्लो ऑक्सिजन प्लांट, आयसीयू बेड हेर गजालींचो नियाळ घेतलो. खंयचेय गजालीक तोंड दिवपा खातीर तयारी सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
