भांगरभूंय | प्रतिनिधी
21,200 सोलर रूफ टॉप बसोवपाची येवजण
पणजी: पीएम सूर्यघर येवजणे खाला 2027 मेरेन गोंयांत 21200 सोलर रूफ टॉप बसोवन 65 मेगावॉट हरीत वीज निर्मिती करपाचें उद्दिश्ट आसा. मुख्यमंत्री डॉ. प्रमोद सावंत हांणी बसका घेवन पीएम सूर्यघर येवजणेचो नियाळ घेतलो.
हे येवजणे वरवीं गरीब लोकांक सवाय दरांत वीज पुरवण करप शक्य जातलें. आतां मेरेन येवजणे खाला सोलर रूफ टॉपा खातीर 4700 अर्जांक मान्यताय दिल्या. अनुदानाचेर 4.28 कोटी रूपया खर्च जावन 7.34 मेगावॉट सौर वीज तयार जाता.
सोलर रूफ टॉप बसयले उपरांत तांची 25 वर्सां खातीर देखभाल करपाची जापसालदारी कंत्राटदाराची आसतली. सरकारी कार्यालयां, हॉटेलां तशेंच घरनिर्माण वसणुकेंत सोलर टॉप बसोवपाक प्राधान्य आसतलें. ही येवजण चालीक लावन गोवा विनामुल्य वीज येवजण बंद जातली. पीएम सूर्यघर येवजणे वरवीं हरीत वीज निर्मितीचेर सरकाराचो भर आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
