भांगरभूंय | प्रतिनिधी
ओसलो, खबरां संस्था: नॉर्वे बुद्धीबळ सर्तीचे सवे फेरयेंत संवसारीक जैतिवंत डी गुकेश हांणी संवसारार नंबर-१ मॅग्नस कार्लसन हाका हारयलो. शास्त्रीय बुद्धीबळांत कार्लसना आड गुकेशचें हें पयलेंच येस. ह्या जैता सयत, १९ वर्सां पिरायेचो गुकेश नॉर्वे बुद्धीबळ २०२५ च्या गुणतालिकेंत ८.५ गुणां सायत तिसरे सुवातेर पावला. जाल्यार कार्लसन आनी अमेरिकन ग्रँडमास्टर फॅबियानो कारुआना ९.५ गुणां सयत पयले सुवातेर आसा.
अपेसा उपरांत, कार्लसन हांणी तिडकीन बुद्धीबळाच्या पटाचेर मूठ मारली, हाका लागून सगल्याक कुडके पडले. हाचे उपरांत तो माध्यमां कडेनूय उलोवंक ना आनी थंयच्यान गेलो.
गुकेश सध्याचो वल्र्ड चॅम्पीयन
गुकेशान डिसेंबराक सिंगापूर जाल्ले संवसारीक बुद्धीबळ अजिंक्यपद सर्तीचे निमाणे फेरयेंत चिनच्या डिंग लिरेनाक ७.५-६.५ असो हारोवन येस मेळयिल्लें. गुकेश १८ वर्सांचे पिरायेचेर संवसारीक बुद्धीबळ चॅम्पीयनशीप जिकपी संवसारांतलो पयलो खेळगडो. ह्यान पयलीं १९८५ वर्सा रशियाच्या गॅरी कास्पारोव्ह हांणी २२ व्या वर्सा ही ट्रॉफी जिकिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
