भांगरभूंय | प्रतिनिधी
चेन्नय, खबरां संस्था ः अण्णा विद्यापिठाच्या लैंगीक अत्याचार प्रकरणांतलो आरोपी ज्ञानशेखरन हाका चेन्नयच्या महिला न्यायालयान ख्यास्त दिल्या. ह्या सप्तकाचे सुरवेक ज्ञानशेखरनाचेर आशिल्लें सगलें 11 आरोप सिद्ध जाल्यात. न्या. राजलक्ष्मी हांणी ज्ञानशेखरनाक 30 वर्सांची बंदखण आनी 90 हजार रुपया दंड घालो.
न्यायालयान ज्ञानशेखरनाक इकरा आरोपांत दोशी थारायलो. दस्तावेज आनी न्यायालयीन पुराव्यां वरवीं ते सिद्ध केल्ल्याची नोंद न्यायालयान केल्या.
ही घडणूक पोरूं 23 डिसेंबराक रातच्या सुमार 8 वरांचेर घडिल्ली. कोत्तूर वाठारांत रावपी आनी अण्णा विद्यापिठा लागसार बिरयानी स्टॉल चलोवपी ज्ञानशेखरनान विद्यापिठाच्या वाठारांत भितर सरून एके विद्यार्थीनीचेर लैंगीक अत्याचार केल्लो, आनी तिच्या दादल्या इश्टाचेरूय हल्लो केलो.
पुलिसांनी दिल्ले म्हायती प्रमाण, ज्ञानशेखरनान हे घडणुकेचो व्हिडियो काडलो आनी ताचो उपेग करून पिडितांक ब्लॅकमेल केले. उपरांत ग्रेटर चेन्नय पुलिसांनी ताका अटक करून न्यायालयीन कोठयेत धाडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
