भांगरभूंय | प्रतिनिधी
सोबीत, दाट, मोव केंस कोणाक नाकात? दरेकल्याक आपले केंस दाट आनी मोव आसचे अशें दिसता. हे खातीर शॅम्पू, कंडीशनर, हॅर पॅक अशे एक वा दुसरो उपाय वापर जाता. तशेंच दर राती न्हिदचे पयलीं कांय बर्या संवयांनी केंस सोबीत, दाट आनी मोव करूं येतात. खंयची संवय तुमच्या केंसांची सोबीतकाय वाडयतली आनी केंस घट जातले हें पळोवया.
रातचें न्हिदचे पयलीं केंस उगोवचे
रातचे जर केंस बरे भशेन उगयले आनी ताची वेणी घातली जाल्यार निश्चीतूच केंसांची भलायकी बरी उरता. केंस सुंदर आनी दाट जातात. ही संवय लावन घेवप केंसां खातीर फायद्याची थारता.
केसांची वाड जावपाक उपेगी
जेन्ना रातचें तुमी हलक्या हातांनी फणयेन केंस उगयतात तेन्ना ताळयेवेलें रगत घोळटा. बरो रगताचो प्रवाह केंसांच्या मुळांक चड ऑक्सिजन आनी पोशण दितात. केंस घट्ट जातात आनी रोखडेच वाडटात.
केंसांनी सैमीक तेल पातळटा
ताळयेचेर सैमीक तेल (सेबम) तयार जाता जें केंसांक मोव आनी चकचकीत दवरता. जेन्ना केंस उगतात तेन्ना तें तेल केंसांचे पुराय लांबये मेरेन पातळटा. अशें केल्ल्यान केंस ड्राय जायनात. रातचे केंस उगयल्यार तेञ सैमीक तरेन कंडिशनींग करपाचें काम करता.
केंसांच्यो जोटवो जावपाच्यो बंद जातात, केंस तुटनात
वारो, केंसांची रचणूक वा हालचालींक लागून केंसांनी जोटवो (जटा) निर्माण जातात. केंस उगयनासतना न्हिदल्यार केंसांनी जोटवो जातात आनी दुसर्या दिसा ते उगयल्यार तुटपाक लागतात.
बरी न्हिद पडटा
रातचे केंस उगोवन न्हिदल्यार फकत केंसांकूच मजत जायना. मनूय शांत जाता आनी न्हिदूय बरी पडटा.
डँड्रफ जायना आनी माथें बुड्डना
रातचे केंस उगयल्यार ताळयेवेली डॅड स्कीन काडून उडोवपाक मजत जाता. हाका लागून डँड्रफ (कोंडो) जायनात. जर माथें बुड्डता आनी डँड्रफ जाता जाल्यार केंस उगयल्यार सैमीक तेल तयार जावन हे त्रास बंद जातात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
