भांगरभूंय | प्रतिनिधी
पणजी: गोवा कोंकणी अकादेमी वतीन फुडल्या तीन (२०२५-२०२८) वर्सां खातीर आपलें नवें सर्वसाधारण मंडळ घडोवपाची प्रक्रिया सुरू केल्या.
अकादेमीच्या घटनेच्या १०.१ व्या (xi) कलमा प्रमाण कोंकणी भास, साहित्य आनी संस्कृतीच्या मळार कार्य करपी ६ संस्थांक अकादेमीच्या मंडळाचेर प्रतिनिधीत्व दिवपाची तजवीज आसा.
हे विशीं कोंकणी खातीर कार्य करपी, कायदेशीर रितीन नोंद जाल्ल्या आनी अकादेमीच्या सर्वसाधारण मंडळाच्या प्रतिनिधीत्वा खातीर इत्सूक आशिल्ल्या गोंयांतल्या संस्थांनी आपल्या फाटल्या पांच वर्सांच्या कामाच्या अहवाला सयत ता. ११/ ०६/ २०२५ मेरेन आपले अर्ज अकादेमीक धाडून दिवचे अशें अकादेमीन जाहीर केलां.
हे विशीं अदिक म्हायती जाणून घेवपा खातीर इत्सुकांनी ७७७५८९१८५७ ह्याा नंबराचेर अकादेमी कडेन मारिया वाझ हिका संपर्क करचो असो उलो अकादेमीच्या सचिवान मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
