भांगरभूंय | प्रतिनिधी
पिवपाच्या उदकाचो सांबाळ धोरण अधिसुचीत
पणजी : भौशीक बांदकाम खात्या वतीन पुरवण उदक योग्य दर्जाचें आसा काय ना, हाची तपासणी आतां घरांत करप शक्य जातलें. उदकाचो दर्जो तपासपा खातीर आतां घराघरांनी (गिरायकांक) फिल्ड टेस्ट किटस (एफटीके) दितले. तशेंच उदकाचे पुरवणेचेर देखरेख दवरपा खातीर नगरपालिका तशेंच पंचायतींत उदक आनी नितळसाण समिती स्थापन करतले.
बांदकाम खात्यान पिवपाच्या उदका खातीरचें धोरण अधिसुचीत केलां. उदकाची नासाडी उणी जावपा वांगडा दरेकाल्याक नितळ सानी नेमान उदक मेळचें, ह्या धोरणा फाटलो होच हेतू आसा. दरेक नगरपालिका/ पंचायतींत उदक आनी नितळसाण समिती स्थापन करतले. बांदकाम खात्याचो तांत्रीक साहाय्यक/ कनिश्ठ अभियंतो हे समितीचो वांगडी आसतलो. ही समिती उदका पुरवण वेवस्थापनाचेर देखरेख दवरतली.
धोरणांतले मुखेल मुद्दे अशे आसात:
कमांड आनी नियंत्रण कक्षाची स्थापना
म्हायती तंत्रज्ञानाच्या आदाराचेर उदका पुरवणेचे रीयल टायम मॉनीटरींग करपा खातीर कमांड आनी नियंत्रण कक्ष स्थापन करतले. आधुनीक तंत्रज्ञानाचे मजतीन राज्य, जिल्लो, म्हाल पांवड्याचेर उदकाची पुरवणेचे स्थितीचेर नदर दवरतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
