गोंय विद्यापीठान प्रकल्प सहाय्यक पदा खातीर अर्ज मागयल्यात

भांगरभूंय | प्रतिनिधी

पणजी ः गोंय विद्यापीठान गोंय राज्य संशोधन फांवडेशन पुरस्कृत “Electrochemical Synthesis of Environmentally Benign Carbon Quantum Dots: Applications in Heavy Metal Sensing and as catalyst for multicomponent synthesis of N-based Heterocycles”, ह्या विशया वयल्या संशोधन प्रकल्पाचेर गोंय विद्यापीठाच्या रसायनशास्त्र विभागात संशोधन करपाक एका प्रकल्प सहाय्यक पदाच्या सुवाते खातीर पात्र आनी इत्सुक उमेदवारांकडल्यान अर्ज मागयल्यात.
प्रकल्पाचो कार्यकाळ तीन वर्सा आसा. उमेदवारा कडेन उण्यांत उणे 55 टक्के गुणां सयत सेंद्रीय रसायन शास्त्रातली मास्टर्स पदवी पात्रताय आसपाक जाय. म्हयन्याक 20,000 रूपया शिश्यवृत्ती आसतली. उमेदवाराची पिराय 35 वर्सा परस चड आसपाक फावना.
हे खातीर मुलाखत 11 जून 2025 दिसा सांजेच्या 3.00 वरांचेर गोंय विद्यापीठाच्या रसायनशास्त्र विभागात जातली. उमेदवारांनी आपलो अर्ज, सीव्ही आनी दाखल्यांच्या प्रती सयत डॉ. संदेश बुगडे, मुखेल संशोधक रसायनशास्त्र विभाग, गोंय विद्यापीठ हांका 4 जून 2025 मेरेन सुपुर्द करचो.