भांगरभूंय | प्रतिनिधी
रोम, खबरां संस्था: काश्मिरच्या पहलगाम जाल्ल्या आतंकवादी हल्ल्या उपरांत भारत सरकार पाकिस्ताना आड खर पावल उबारलां. मजगतीं, भारतीय लश्करान ऑपरेशन सिंदूर ही मोहीम हातांत घेवन पाकिस्तानाचे णव दहशतवादी तळ उध्वस्त केल्यात. तशेंच पाकिस्तानाचो पर्दाफाश करपा खातीर तांच्या आकांतवादाक फाटीं घालपी चेरो संवसारा मुखार हाडपा खातीर केंद्र सरकारान सर्वपक्षीय खासदारांची आनी आदल्या सनदी अधिकार्यांचीं मेळून सात शिश्टमंडळां तयार केल्यांत. हीं शिश्टमंळां संवसारांतल्या जायत्या राज्यांच भेट दितात.
भारताचें एक शिश्टमंडळ हालींच इटलीची राजधानी रोमाक दाखल जाली. ह्या वेळार इटालियन हिंदू युनियनान भारताच्या शिश्टामंडळाक येवकार दिलो. उपरांत रोमचे एके कार्यावळींत इटालियन हिंदू युनियनाचे अध्यक्ष फ्रँको दी मारिया जयेंद्रनाथ हांणीम्हणलें, ‘इटालीचे दोन लाख नागरीक भारता सयत आसात’. तशेंच तांणी भारतान आतंकवाद्यां आड केल्ले कारवायेची तोखणाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
