भांगरभूंय | प्रतिनिधी
टेक्सास, खबरां संस्था : संवसारांतल्या सगल्यांत बळीश्ट रॉकेट स्टारशिपची ९ वी चाचणी येसस्वी जावंक ना. प्रक्षेपणा उपरांत सुमार ३० मिनटांनी स्टारशिपान नियंत्रण वगडायलें, हाका लागून ते धर्तरेच्या वातावरणांत प्रवेश करतना नश्ट जाले. मळबांत स्टारशिप नश्ट जावपाची ही तिसरी वेळ. तशेंच, बुस्टरान अमेरिकेच्या आखातांत हार्ड लँडींग केलें. लँडींग बर्न मजगतीं, बॅकअप इंजिनाची तांक तपासपा खातीर सेंटर इंजिन मुद्दम बंद केलें. हे चाचणींत, पयलेच फावटीं, ७वे चाचणेंत वापरिल्लें बुस्टर परत वापरलें.
गळटेक लागून मुखेल टाकयेचो दाब उणो जालो
भारतीय वेळे प्रमाण आयज म्हळ्यार २८ मेक सकाळीं पांच वरांचेर टेक्सासच्या बोका चिका हांगच्या स्टारशिपचे प्रक्षेपण केलें. स्टारशिप अंतराळ यान (वयलो भाग) आनी सुपर हेवी बूस्टर (सकयलो भाग) हांकां एकठांय आयले काय ’स्टारशिप’ म्हणटात. हें रॉकेट संवसारांतलें सगल्यांत गिरेस्त उद्देगपती एलोन मस्क हांची कंपनी स्पेसएक्सान केलां. ह्या वाहनांची उंचाय ४०३ फूट आसा. तें पुरायेन परत वापरपाक मेळटा अशें आसा.
गळटेक लागून मुखेल टाकयेचो दाब उणो जालो
हे तपासणे उपरांत, एलोन मस्क हांणी म्हणलें, स्टारशिपान निर्धारीत बोट इंजिन कटऑफ केलो, हाका लागून फाटल्या उड्डाणांचे तुळेंत जायती सुधारणा जाल्या. गळतेक लागून दर्यादेग आनी पुनर्प्रवेश टप्प्या मजगतीं मुखेल टाकयेचो दाब उणो जाला. आतां फडलीं तीन प्रक्षेपणां खूब फास्ट आसतलीं. दर ३ ते ४ सप्तकांनी एक प्रक्षेपण जातलें.
मोहिमेचो हेत : उणाव पयस करप आनीगरजेचे प्रयोग करप
स्टारशिपच्या वयल्या भागाचें हिंद महासागर नियंत्रीत जल-लँडींग करपाचें आशिल्ले. जें जावंक ना. तशेंच, पेलोड तैनात करप आनी मळबांत आसतना रॅप्टर इंजिन सुरू करप अशे प्रयोग करप शक्य जावंक ना. बुस्टरच्या लँडिंग बर्न मजगतीं एक विशेश इंजिन कॉन्फिगरेशन प्रदर्शीत केलें. मदल्या रिंगाचें बॅकअप इंजिन लँडीग पुराय करपाक शकता काय ना हें तपासपा खातीर लँडिंगच्या निमाण्या टप्प्यांत तीन सेंटर इंजिना मदलें एक मुद्दम बंद केलें. बुस्टर फक्त दोन सेंटर इंजिनाचेर स्विच केलें. लँडिंग बर्नच्या निमाणे कडेन, जेन्ना तें अमेरिकेच्या आखाताचेर आशिल्लें, तेन्ना इंजिन बंद केलें. उपरांत बुस्टरान उदकांत हार्ड लँडिंग केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
