भांगरभूंय | प्रतिनिधी
नवी दिल्ली, खबरां संस्था: सीबीएसई म्हणल्यार केंद्रीय माध्यमीक शिक्षण मंडळान बिरेस्तारा, २२ मे दिसा बोर्डा कडेन संंबंदीत शाळां खातीर मार्गदर्शक तत्वां जारी केल्यांत. हातूंत, ह्या शिक्षणीक सत्रांपसून म्हणल्यार २०२५- २६ सावन मुळाव्या शिक्षणा खातीर मायभास वा प्रादेशीक भास शिकोवपाचें माध्यम करचें पडटलें. सुरवातेच्या अभ्यासा मजगतीं हाची विशेश काळजी घेवपाक जाय, अशें बोर्डान म्हणलां.
शालेय शिक्षणा खातीर नवीन राष्ट्रीय अभ्यासक्रम आराखडो म्हणल्यार NCF-2023 खाला ही मार्गदर्शक तत्वां जारी केल्यां.
अधिकृत निवेदनात म्हणलां, NEP 2020 म्हणल्यार राष्ट्रीय शिक्षण धोरण 2020 खाला जारी केल्ल्या ह्या सुचवण्यां मदीं मुळाव्या वर्सा सावन म्हणल्यार पूर्व-प्राथमिक ते यत्ता दुसरे मेरेनच्या भुरग्यांक घरा उलोवपी भाशेंत (मायभाशेंत) शिकोवपाचेर भर दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
