भांगरभूंय | प्रतिनिधी
डीप व्हेन थ्रोम्बोसिस (DVT) हो रगतपेशींचो गंभीर पूण आडावपा सारको रोग. हाका लागून जिवाक धोको निर्माण जावंक शकता. डीप व्हेन थ्रोम्बोसीस (DVT) ही गंभीर वैजकी स्थिती आशिल्ल्यान तातूंत कुडीच्या खोल शिरांनी रगताचे गुळे तयार जातात. अशे तरेचे गुळे चड करून मांडयेंत वा पांयांत तयार जातात; पूण कुडीच्या हेर भागांनीय तयार जावंक शकतात. हे गुळे रगताचे प्रवाह आडावंक शकतात आनी ताका लागून सुज येता वा दुखता. हाचेर उपचार केलो ना जाल्यार हे रगताचे गुळे फुटपाक शकतात आनी फुफ्फुसांत वचपाक शकता. जाका लागून पल्मोनरी एम्बोलिझम (PE) जावपाक शकता. हें एक भिरांकूळ दुयेंस. रगताच्या शिरांनी गुळे करपी ह्या रोगााची कारणां कितें? लक्षणां कशीं वळखुचीं? हाचेर उपचार कितें? हो रोग जावचो न्हय म्हणून कितें जतनाय घेवप? चेंबूरच्या सुराणा सेठिया हॉस्पिटलाचे व्हॅस्क्युलर सर्जन आनी इंटरव्हेंशनल रेडिओलॉजिस्ट डॉ. अशांक बन्सल हांणी ह्या रोगा विशीं दिली म्हायती.
कारणां कितें?
जायते घटक डीव्हीटीचो धोको वाडोवपाक शकतात,
बरोच वेळ बसून रावप वा गती नाशिल्ली जिणेशैली
शस्त्रक्रिया : ऑर्थोपेडीक प्रक्रिया
कांय वैजकी परिस्थिती, जशी कर्करोग वा रगताच्या गुळ्यांचे विकार
गर्भधारणां आनी प्रसूती उपरांतचो काळ
सिगारेट ओडप वा मोटेपण
गर्भनिरोधक गुळयो वा हार्मोन थेरपीचो वापर
कुटुंबीक इतिहास
डॉ. बन्सल सांगतात, सिगारेट ओडप आनी मोटेपण सारकिल्ले घटकूय डीव्हीटीचो धोको वाडोवपाक शकतात.
लक्षणां कितें?
एका पायाक सूज (केन्नाच दोनूय),
दुखप वा संवेदनशीलता (जायते फावट पोटा पसून सुरू जाता),
प्रभावीत भागांत उष्णताय वा तांबडें दिसप.
पांयांत क्रॅम्पिंग वा जड कशे जाणवप.
निदान करप
डीव्हीटीचें निदान चड करून डॉप्लर अल्ट्रासावंड सारक्या इमेजिंग चांचण्यां वरवीं जाता, जी शिरेंतल्यान रगत वचपाची तपासणी करता. कांय प्रकरणांनी डी-डायमर रगताची चांचणी आनी शिरेची तपासणी करून रगताचे गुळे आसा काय ना हें थारावंक मेळटा. लक्षणांचेर आदारून डीव्हीटीचें निदान जाले उपरांत बेगोबेग उपचार करप गरजेचें आसता. फुफ्फुसांतल्या एम्बोलिझम सारकिल्ल्या गंभीर रोगाक आळो हाडपा खातीर सुरवेक निदान करप गरजेचें आसता.
उपचार
डीव्हीटीवेल्या उपचारांनी रगताचे गुळे जावपाची तांक उणी करप आनी नव्यो गुळे तयार जावपा पसून आडावप हाचेर लक्ष दिलां.
रगत पातळ करपी (अँटीकोआगुलंट्स): रगताच्यो गांठी जावपाची तांक उणी करता.
कॉम्प्रेशन स्टॉकिंग्ज: पांयांत रगताच्यो प्रवाह सुदारपाक मजत करता.
थ्रोम्बोलायटिक्स: गंभीर प्रकरणांत, रगताच्यो गांठी उण्यो करपाक उणें करपी वखद वापरू येतात.
डॉक्टर शस्त्रक्रियाय करपाक शकतात. म्हणून, थ्रोम्बेक्टॉमी वा कॅथेटर-निर्देशीत थ्रोम्बोलिसिस सारकिल्ल्यो प्रक्रिया सुचोवपाक शकतात.
प्रतिबंधात्मक उपाय
शरीर सक्रिय राखात आनी चड वेळ बसचें न्हय; दर १ ते २ वरांनी हालचाल करात.
प्रवासा मजगतीं योग्य हायड्रेशन सुनिश्चीत करात आनी तज्ज्ञांच्या सल्ल्यान कॉम्प्रेशन स्टॉकिंग्ज घालात.
वजन नियंत्रित राखात आनी सिगारेट ओडपाचें सोडात.
शस्त्रक्रिये उपरांत वा गर्भधारणे मजगतीं दोतोरांचो सल्लो आयकात.
तुमचे खातीर कुटुंबीक इतिहास जाणून घेवप आनी तुमच्या डॉक्टरां कडेन हे विशीञ चर्चा करप गरजेचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
