भांगरभूंय | प्रतिनिधी
पणजी : केंद्रीय रस्ते आनी महामार्ग मंत्री नितीन गडकरी हांचे हस्तुकीं फाल्यां शुक्रारा पायाभरणी जावपी झुआरी पुलाचेर ट्वीन टॉवर्सचें काम अडेज वर्सांनी पुराय जातलें अशी म्हायती मुख्यमंत्री डॉ. प्रमोद सावंत हांणी दिली.
शुक्रारा सांजेवेळार ६ वरांचेर चिखले सभाघरांत पायाभरणीची कार्यवळ जातली. झुआरी न्हंय आनी त्या वाठारांतल्या सैमाचें दर्शन घेवप शक्य जातलें असो ट्वीन टॉवर्स हो देशांतलो एकूच प्रकल्प. हे खातीर प्रधानमंत्री नरेंद्र मोदी आनी केंद्रीय मंत्री नितीन गडकरी हांचें हांव उपकार मानतां. झुआरी पुलाच्या उक्तावणा खातीर आयल्यात. नितीन गडकरी हांणी ट्वीन टॉवर्स आनी गॅलरीची कल्पना मांडली. ही कल्पना आतां अडेज वर्सान प्रत्यक्षात येतले, अशें डॉ. सावंत हांणी म्हणलें. ट्विन टॉवर्सचो हो प्रकल्प २७० कोटींचो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
