पणजे गोवाफेस्त सुरू, जायरात मळा वयले मानेस्तांचो सहभाग
भांगरभूंय | प्रतिनिधी
पणजी : नॅशनल गोवाफेस्त 2025 हीं कल्पना, उर्जा आनी नवनिर्माण हांच्या बळिश्ट सुमेळान सुरू जालें. माध्यम, विपणन आनी वेवसायांतल्या पयसुल्लो दृश्टीकोन आशिल्ल्या फुडाऱ्यांक एकठांय हाडून खऱ्या अर्थान विचारमंथन केलें. फाटले दोन दीस सृजनशील आदान-प्रदान सुरू आसा.
कल्पनाशक्त आनी शिमे पलतडी विचार करपाचो उलो ह्या वेळार मानेस्तांनी मारलो. विपणन वेगा वांगडा विलीन जालें आनी माध्यमां वेवसायीक तेजस्वीते कडेन मुखार सरलीं. हें सगळें सृजनशील अर्थवेवस्थेक मुखार व्हरतलें.
द एडव्हर्टाइजिंग एजन्सीज असोसिएशन ऑफ इंडिया (एएएआय) आनी द एडव्हर्टाइजिंग क्लब (टीएसी) हांणी हें गोवाफेस्त आयोजीत केलां.
नामनेचे गायक मिका सिंगान सादरीकरण केलें. हें ‘इग्नायट द जोश’ सत्र अमेझॉन एमएक्स प्लेयरान सादर केलें. तें मिडियाकार्टान चालीक लायिल्लें. ताचे उपरांत आयोजक समितीच्या वांगड्यांनी दिवली पेटयलो. एएएआयचे अध्यक्ष आनी ग्रुपएमचे दक्षीण आशियाचे सीईओ प्रसांत कुमार हांणी हाजीर आशिल्ल्यांक संबोधीत केले. महोत्सवाची ही 18 वी आवृत्ती. अंदूं द एबीबी अवार्ड्स आनी वन हांच्या सहकाराचें चवथें वर्सय मनयलें
गोवाफेस्त २०२५ ची सुरवात सेट इंडिया आनी एम. पब्लिसीस ग्रुपाचो लेखक आनी वरिश्ठ सल्लागार ऋषद तंबाखूवाला हाणें ‘स्टेइंग रिलेव्हंट इन अ एज ऑफ मशीन्स’ नांवाची सब टीव्हीची कार्यावळ सादर केली. अधिवेशनाचें संचालन दक्षीण आशियांतल्या पब्लिसस ग्रुपाचे मुखेल कार्यकारी अधिकारी अनुप्रिया आचार्य हांणी केलें. ऋषद तंबाखूवाला हांणी वेवसाय आनी सृजनशीलतेंतल्या एआयची विकसीत जावपी भुमिका विशीं मुखेल भाशण केलें. एआयचो खरो परिणाम अजून मुखार येवंक ना अशें तांणी स्पश्ट केलें. एआय विजे सारको गरजेचो जातलो अशें तांणी सांगलें.
“पोरणे विचार सोडून तुमची मानसीक ऑपरेटिंग सिस्टीम अपग्रेड करपाचो वेळ आयला- जशें तुमी तुमचो फोन अपडेट करतात.” अशेंय तांणी स्पश्ट केले. तंबाखूवालान एजन्सींक स्पश्ट सल्लो दिलो: “कथा सांगप आनी वेवसायीक मॉडेलांचेर परतून विचार करपा खातीर एजन्सीनी एआय आपणावंक जाय. बाजारपेठदारांनी आपल्या वेवसायाची परतून कल्पना करपाक सुरवात करची.
फुडारी आनी तरणाटे वेवसायिकां खातीर ताणें दिल्ल्या सल्ल्या विशीं विचारलें तेन्ना ताणें जाप दिली, “फुडाऱ्यांनी बॉस सारकें वागप बंद करचें पडटलें आनी मार्गदर्शक सारकें वागपाक सुरवात करची पडटली. फकत योग्य नोकरी न्हय तर योग्य बॉस वेंचून काडात.” ही कार्यावळ दोन दीस चलतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
