भांगरभूंय | प्रतिनिधी
पेडणें: कासारवर्णे- पेडण्यां वड पडिल्ल्यान रस्तो बंद जाल्लो. उजो पालोवपी दळ आनी थळाव्यांचे मजतीन वड कापून रस्तो मेकळो करपांत येस आयलें. थंय पार्कींग केल्ले एके मारुती व्हॅनीचें कांय प्रमाणांत लुकसाण जालें.
हें झाड फांतोडेर चार वरांचेर पडलें. हे विशीं नंबर २. ची पंच वांगडी वृषाली नायक हांकां कळटांच तांणी विजय नायक आनी आत्माराम केणी हांचे आनी उजो पालोवपी दळाचे मजतीन तें झाड कुशीक काडलें.
पेडण्यां वाठारांत कालच्यान पावसान बरोच नेट धरला. पावसाचें उदक रस्त्यां वेल्यान व्हांवतना दिसता. गटारां नितळ नाशिल्ल्यान ही परिस्थिती निर्माण जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
