भांगरभूंय | प्रतिनिधी
नवी दिल्ली, खबरां संस्था ः टायम नेमाळ्यान संवसारांतल्या पयल्या शंबर परोपकारीं व्यक्तींची वळेरी जाहीर केल्या. हे वळेरेंत रिलायन्स इंडस्ट्रीजचे अध्यक्ष मुकेश अंबानी आनी तांची घरकान्न नीता अंबानी हांचो हे वळेरेंत आस्पाव केलां.
मुकेश आनी नीता अंबानी हांणी 2024 वर्सा रिलायन्स फावंडेशनाच्या माध्यमांतल्यान 407 कोटी रुपया दान केल्ले. हे फावंडेशन शिक्षण, भलायकी, ग्रामीण उदरगत आनी बायलां सशक्तीकरणा खातीर वावुरता.
हाचे भायर विप्रोचे संस्थापक अझीम प्रेमजी आनी झेरोधाचे सहसंस्थापक निखिल कामथ हांचोय हे वळेरेंत आस्पाव आसा.
म्हणून वळेरी तयार केली…
टायम 100 परोपकार 2025 ची वळेरी टायम नेमाळ्यान परोपकार मळार म्हत्वाचें योगदान दिवपी संवसारांतल्या सगळ्यांत प्रभावशाली परोपकारी व्यक्तींचो भोवमान करपा खातीर तयार केल्या. हे वळेरेंत 28 देशांतल्या लोकांचो आस्पाव आसा. संवसारभरांतल्या टायम रिपोर्टर, संपादक आनी योगदान दिवप्यांनी ही वळेरी तयार केल्या.
10 हजार तरणाट्यांक शिश्यवृत्ती दिली
अंबानी कुटुंबान 10 हजारां वयर तरणाट्यांक शिश्यवृत्ती दिवन तांकां शिक्षित केलां. 500 वयर शाळांची मुळावी बांदावळ सुदारल्या आनी 20 हॉस्पिटलां बांदल्यात.
गांवगिऱ्या वाठारांनी टिकावू शेती आनी उदक बचत पद्दती शिकयल्यात. ताचो फायदो 10 हजारां वयर शेतकारांक जालो. ते भायर नीता अंबानी हांणी 1 लाखां वयर बायलांक कुशळटायेचें प्रशिक्षण दिवन तांकां स्वावलंबी केलां.
हाचे आदीं ब्लूमबर्गान संवसारांतल्या 25 गिरेस्त कुटुंबांची वळेरी जाहीर केल्ली. हातूंत अंबानी कुटुंब वट्ट संपत्ती 8.45 लाख कोटी रुपयां सयत आठवे सुवातेर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
